“Beauty is a feeling…”

CEBU, Philippines — “Ang ganda ganda niyo. Walang panget sa mundo. Walang ginawa ang Diyos na panget. Magtiwala lang kayo. Just trust and believe in yourself and everything follows,” mensahe ni Sue Ramirez alang sa tanan nga kuwang og pagsalig sa ilang kaugalingon. Giluwatan kini ni Sue atol sa launch niya isip endorser sa usa ka whitening soap. Si Sue, kinsa gipaabot nga kasilagan sa publiko isip kontrabida sa Pinoy adaptation sa Dr. Forster, nga pagaulohan sa ABS-CBN og, “The Broken Marriage Vow”, nidugang sa pag-ingon: “Beauty is in the eye of the beholder so we cannot please everybody with how we look. Not everybody will appreciate the beauty that we have but if we learn to appreciate it on our own, I don’t think that there will be a time that we will not feel beautiful. Ikaw yun eh. It’s a feeling. Beauty is not actually a trait. It’s a feeling. So if you feel beautiful, you are beautiful. It comes from within.”

Hasta pud si Mr. M

Dili kay si Mariole Alberto lang ang gitakdang mopasilong na sa GMA Network, kundi hasta gyud diay si Mr. M o Johnny Manahan, ang co-founder ni Freddie Garcia kaniadto sa ABS-CBN Talent Center nga karon ilado na isip Star Magic. Ang usa ka tinubdan sa PEP Troika niingon nga “almost done deal” na ang tanan, ang wala lang matino pa unsay posisyon ni Mr. M sa GMA7. Ang nigawas nga tsika sa nilabay nga adlaw mao nga si Mariole, kinsa maoy pango sa Star Magic kotub niadtong December 31, 2020, maoy umaabot nga big boss sa GMA Artist Center.

No problem

Walay problema si Barbie Forteza sa komento sa uban nga nailog na matud pa karon ni Sanya Lopez ang iyang titulo nga “GMA7’S Primetime Princess” gumikan sa kalampusan sa teleserye niini nga “First Yaya”. Suma pa ni Barbie, okay ra gyud niya kun mao kini pagtan-aw sa uban sanglit nakita man sab gyud niya ang pag-improve ni Sanya dili lamang isip artista kundili hasta na isip tawo. Personal nga kaila ni Barbie si Sanya sanglit manghud ang nahisgutan sa iyang uyab nga si Jak Alberto.

Sorry na lang..

Nag-upload og Tiktok video si Kakai Bautista niining bag-o lang diin gipikhan niya ang iyang bashers nga nagsige og panaway sa iyang dagway ug lawas. “We can never appreciate other people’s beauty if we don’t appreciate ours. SORRY kung ikakalungkot ng IBA na mahal na mahal ko ang sarili ko. AND I AM ENJOYING every bit of What I am now and every second of my Life.” Tipik sa lenggua ni Kakai sa iyang video. Dugang pa niya, mubo ra matud pa ang kinabuhi busa dili na angayang manghilabot pa sa uban. Ang angayang buhaton mao nga palambuon ang kaugalingon aron mapuslan ug makatabang sa uban.

Makaguol gyud

Giangkon ni Claudine Barretto sa exclusive interview ni Aster Amoyo niya nga nasakitan siya alang sa iyang mga ginikanan nga maghunahuna nga nagkagubot silang mga managsuon. Karon nga inahan na sab siya, natugkad niya nga dili lalim ang makita nga nag-away-away ang mga anak. Giangkon niya nga sukad sa nahitabong kagubot nilang managsuon sa mismong haya sa ilang amahan niadtong 2019, wala pa gyud sila nagka-istorya ug nagkakita sa iyang maguwang nga si Marjorie. Hasta sa mga anak niini, wala silay komunikasyon. “I don’t get to see them also. Sad nga. Dapat hindi kasali ‘yung mga bata eh.”