Momshies…

CEBU, Philippines — Adunay gihimo karon nga pelikula ang hosts sa Magandang Buhay sa ABS-CBN nga sila si Jolina Magdangal, Melai Cantiveros, ug Karla Estrada. Giulohan kini og “Momshies Ang Soul Mo'y Akin”, ug ubos sa direksyon ni Easy Ferrer.

Congrats, Julia!

Niabot na og one million ang Youtube subscribers ni Julia Barretto, human sa kapin tuig nga pag-vlog. Nagsugod siya niadtong November 2019, diin nagkadaiya ang iyang topic sama sa make up tutorial ngadto na sa sikat niya nga “Drink & Spill” series, diin mag-inom sila sa iyang guest samtang mag-istorya nga kasagaran mosampot ngadto sa binukingay.

Temporaryong manamilit

Mag-goodbye una ang reality show sa GMA7 nga Catch Me If You Can Philippines diin host si Jose Manalo. Kini kay apektado sila sa ECQ sa NCR busa wala na silay mga bag-ong episodes. Ma alkanse sila kun magsige sila og replay sanglit magbayad gihapon sila sa mga tukar nga ilang gigamit sa show. Ang Agimat ng Agila ni Senator Bong Revilla ang muhulip sa maong show sugod karong Sabado May 1. Aduna lay 13 episodes ang maong pantaserye.

Single na

Gikumpirma na ni Kiko Estrada nga nagbuwag na sila Devon Seron. Wala man tuod naghisgot og pangan, apan sa pag-guest niya sa Magandang Buhay kauban ang iyang inahan nga si Cheska Diaz sa nilabay nga adlaw, niingon si Kiko nga single siya karon ug trabaho ang iyang focus. Pipila ka bulan ang nilabay, nibuto ang isyu nga nagbuwag si Devon ug Kiko gumikan sa third party. Matud pa ang co-star sa nauwahi sa teleseryeng Bagong Umaga nga si Heaven Peralejo ang hinungdan. Hugtanong gihimakak ni Heaven ang maong taho.

Awra time

Gitubag ni Ellen Adarna ang usa ka netizen nga nikomento nga basin og ang awayan unya nila ni Derek Ramsay mao ang pag-golf sa actor sanglit dili matud pa lalim ang magpaabot kay dugay mahuman ang duwa. Apan matud ni Ellen nga dili kini mahitabo sanglit samtang nag-golf si Derek awra ug me time sab matud pa niya kini busa walay ma alkanse, walay magtanga og pinaabot.

Congrats, Kit!

Best actor ang Kapamilya nga si Kit Thompson niadtong Domingo sa WorldFest 54 Film Festival (Panorama Asia category). Kini pinaagi sa pelikula niya nga 'Belle Douleur'.

Mobalik ang Dolce Amore

Ibalik pagsalida sa ABS-CBN ang teleserye sa LizQuen sugod karong Lunes, May 3, 2021. Kini mao ang Dolce Amore, nga sa Kapamilya Gold na makita human sa It’s Showtime. Ang maong teleserye nga gibituonan nila nila Liza Soberano ug Enrique Gil, masud-ong sa Kapamilya Channel, Kapamilya Online Live, ug A2Z. Makita sab sa iWant TFC, WeTV ug IFlix!

International market

Mulugwa na dili madugay sa international online streaming platform iQYI ang GMA7 primetime series nga First Yaya. Gibituonan kini nila ni Gabby Concepcion ug Sanya Lopez nga niarangkada karon sa ratings game. Katigi niini ang Ang Probinsyano ni Coco Martin.

Maui, gituok og Korean actress!

Gituok si Mau Taylor sa Koreana nga si Youn Yuh-jung! Nahitabo kini sa pelikula nga The Taste of Money niadtong 2012, diin nalakip si Mau isip Filipino maid nga nakarelasyon ang iyang amo nga lalaki.

Labihan ka trending karon ni Youn Yu-jung sa South Korea human nimugna og kasaysayan isip labing una nga Korean nga nidaog og acting award sa Oscar’s. Si Youn ang gideklara nga best supporting actress sa Oscar’s didto sa Amerika pinaagi sa pelikula nga Minari nga gi-produce ni Brad Pitt.

Ang 73-year old Korean actress maoy nidala sa papel nga among babay sa The Taste of Money diin dili malimtanni Maui ang eksena nga gituok siya sa nahisgutan ug namuwa og maayo iyang liog sanglit daghan kaayo sila og take, usa pa nakauyon ang director.

Gilab-as niya Maui ngadto sa PEP Troika ang iyang kasinatian sa maong pelikula, niadtong panahon nga wala pa kaayo nabuang ang mga Pinoy og kdrama.

Suma pa ni Maui, broken-hearted siya niadtong 2012, ug nanimpad siya sa South Korea, diin disido na siya nga mobalhin didto aron adto na mag-artista. Ug nalakip siya sa maong pelikula diin ang mga artista puros mga sikat ug highest-paid sa South Korea. Siya ray Pinoy.

Apan nauyonan matud pa siya sa director sanglit mora siya og Koreana og dagway, ug nindot sab matud pa og kutis.

“Maasikaso siya”

Saysay ni Maui sa eksena nila ni Youn Yuh-jung: "Siguro mga second or third shooting day, may kanya-kanya kasi silang trailer, magkakahiwalay kaming lahat.

"Pero noong nag-shoot kami ng eksena sa house, yung sinakal niya ako, dun na siya naging funny at kengkoy, 'tapos nakikipagkuwentuhan na siya sa akin.

"Sabi niya sa scene na ‘yon, kinausap niya yung direktor, ‘Are you sure, you’re asking me to do this?’ “'Yes,' sabi ng direktor, 'I want you to choke her.'

"Sabi niya, ‘But I will hurt her.’ "Sabi ko sa kanya, ‘No, it’s okay. No problem. Let’s do it.'

"Eh, nakailang take kami kasi hindi makuha ng direktor yung shot na gusto niya kaya pulang- pula na yung leeg ko.

"Sabi ni Miss Youn, ‘Oh my God, are you okay? Can you get ice for her?’ Maasikaso siya."