Post-wedding photoshoot nina Matteo at Sarah inilabas, naalala ang cloy!

Napa-’sana all’ na lang ang netizens sa post ni Matteo Guidicelli na post-wedding photoshoot nila ng misis na si Sarah Geronimo na may pagka-Crash Landing On You ang peg.

Sinabay ni Matteo ang posting nito sa pag-congratulate kay Sarah sa matagumpay nitong digital film Tala concert. “My wife and I would like to share with you something very special we did right after our wedding. I’m always super proud of you love. Congratulations for last nights show! INCREDIBLE! I love you so much. Thank you for being a “tala” to everyone’s lives. We would like to say thank you to the talented group of people that made this photoshoot happen back in 2020!,” ang buong post ng proud husband ni Sarah G.

Shooting sa ECQ suspended na naman, robi at ice nasa 4th EDDYS!

Hindi na uli puwede ang taping sa mga lugar na nasa enhanced community quarantine ayon sa joint executive order ng DTI-DOLE-DOH JAO base na rin sa dati nilang guidelines.

Base sa post ni Film Development Council of the Philippines Chair Liza Diño : “Media establishments that were announced as allowed at 50% are for NEWS AND CURRENT AFFAIRS only. Hence, production shoots are temporarily suspended from March 29 to April 4, 2021, in NCR, Bulacan, Cavite, Laguna, and Rizal under ECQ status,” paglilinaw sa pagtupad sa bagong guidelines until April 4.

Samantala, aprubado na pala sa Congress ang Freelance Workers Protection Act.

Senate na lang ang kailangang mag-endorse bago pirmahan ni Presidente Duterte ayon pa kay Chair Liza.

Ito ang kailangan ngayon ng maraming film workers dahil nga nang magkaroon ng pande­mic, mas naramdaman ng maraming freelancers ang hirap sa kanilang trabaho.

Kasama sa magiging benefit nito if ever na maging isang batas ay :

“Requiring written contract BEFORE rende­ring of services incld prescribing penalties for violations • Provision of a night shift differential for on-site work performed between 10 p.m. and 6 a.m. • Provision of hazard-pay for onsite work in dangerous areas • Special lane for freelancers in all BIR Revenue District Offices • Complaints on violations filed through DOLE’s office of the Undersecretary for Workers with Special Concerns. • Info and education campaigns on freelancers’ rights and obligations.”

Una sa pinasalamatan ni Chair Liza si Cong. Toffy De Venecia. “At sa lahat ng sumuporta for championing the welfare of our workers. 195-0. Ibig sabihin UNANIMOUS ang vote,” banggit pa sa post nito.

Speaking of FDCP, all out ang suporta ng FDCP sa gaganaping 4th The EDDYS (Entertainment Editors’ Choice) sa April 4, Easter Sunday.

Yes, tuloy na tuloy nga ang pamimigay ng parangal ng Society of Philippine Entertainment Editors (SPEEd) sa ikaapat na edisyon ng The EDDYS  sa mismong Linggo ng Pagkabuhay, 8 p.m., na mapapanood sa FDCP Channel (fdcpchannel.ph), SPEEd Facebook page (Society of Philippine Entertainment Editors) at iba pang digital platforms.

Ang award-winning Kapamilya star na si Robi Domingo ang magsisilbing host ng maningning at pinakaaabangang Gabi ng Parangal  sa ilalim ng direksyon ng OPM icon at singer-songwriter na si Ice Seguerra.

Samantala, may mahalagang partisipasyon din sa awards night sina Batangas 6th District Representative at Star for All Seasons Vilma Santos at AKTOR Chairman of the Board Dingdong Dantes.