Bunal ni Paulo, gikagubtan!

Nagubot ang netizens kadlawon pa lamang niadtong December 25, gumikan sa frontal nudity ni Paulo Avelino sa pelikulang Fan Girl nga entry sa Metro Manila Film Festival ug makita pinaagi sa Upstream. Suma pa sa mga nakakita 9 inches matud pa ang gidak-on sa kang Paulo nga nakita samtang nangihi siya sa usa sa mga eksena. Apan matud pa sa mga observer, angayan nga dili ang gidak-on sa kang Paulo maoy hisgutan kundili ang kaanindot sa maong pelikula nga ubos sa direksyon ni Antonette Jadaone ug s aka maayo sa acting nila ni Charlie Dizon ug Paulo nga gipanghinaot nga modaog isip best actress ug best actor.

Nabungol, nataptan og meningitis!

Emosyonal ug makahuluganon ang subling pagkanta ni Lani Misalucha pinaagi sa The Clash Christmas Special nga gisalida sa GMA7 niadtong Biyernes sa gabii.

Kini kay hingpit na niyang gibutyag nga nataptan siya ugang iyang bana og bacterial meningitis hinungdan nga kalit siyang nawala sa The Clash niadtong October sanglit nalandig silang duruha sa ICU.

Bungol na matud pa ang tuo nga dunggan ni Lani, ug dili 100% nga makadungog ang usa pa niya ka dunggan, hinungdan nga gipakpakan og maayo ang emosyonal niya nga pagbirit og O Holy Night atol sa maong Christmas special. “Bingi po talaga ang nangyari sa akin, sa right side ko, sa aming mag-asawa. At meron po kaming vestibular dysfunction kaya kailangan naming ng alalay lagi,” nagkanayon siya dihang gihinabi sa iyang co-judges nga sila si Christian Bautista ug Ai Ai delas Alas.

Ang pagduda nila mao nga nakuha nila ang bacteria sa restaurant nga ilang giadto, apan makapahibulong kay wala sila mag-order og baboy niadtong tungora apan nasuta sa examination nga Swiss pork meat ang gigikanan sa bacteria. Unya ra matud pa nganlan ni Lani kun makumpirma na gyud pinaagi sa imbestigasyon nga sa restaurant gyud naggikan ang bacteria.

Isip resulta, daghang mga projects nga gibalibaran si Lani sanglit nabungol naman siya, ug matud pa, walay tambal niini. Gisalig na lamang niya ang tanan ngadto sa Ginoo, ug masaligon siya nga dili siya pasagdan niining maong hagit nga iyang gisagubang karon.