Bag-ong episodes

CEBU, Philippines — Fresh episodes na ang isalida sa Maalaala Mo Kaya sa A2Z Channel 11 sugod karong November 24. Kini human sa walo ka bulan usab nga walay taping alang sa maong drama anthology nga 29 ka tuig na sa telebisyon. Alang sa unang episode, bida ang inahan ug anak nga sila si Sylvia Sanchez ug Arjo Atayde kauban sab sila si Hero ug Aldrin Angeles.

Maglisud og move on

Nakapangutana si Angeline Quinto mag-unsa na siya human nipanaw ang iyang Mama Bob nga maoy nagmatuto niya. Matud ni Angeline, si Mama Bob maoy iyang kinabuhi, ug pagpanaw niini mao gyud ang iyang labing gikahadlokan nga mahitabo. Dili gyud siya andam matud pa. Namatay si Mama Bob niadtong Sabado, duha ka bulan human kini na stroke ug nalandig sa tambalanan.

Nganong dili liwat

Gitambagan ni Wendell Ramos ang iyang anak nga si Saviour nga hangupon kun una man gani ang anaa niini.Kini human nangutana ang iyang anak nganong dili siya puti og pamanit sama sa iyang amahan.Inanay na nga nisulod sa showbiz si Saviour. Kini pinaagi sa online series Unlocked nga makita sa GagaOOlala sa direksyo ni Adolf Alex.

Dili ka proud gurl?

Nabahin ang Instagram followers ni Janella Salvador. May mga fans nga nidasig sa young actress nga ipost niini ang hulagway sa iyang anak aron pagmatuod nga proud mom siya. May mga fans sab nga nidepensa kang Janella pinaagi sa pag-ingon nga hayan buot lamang sa aktres nga ipatigbabaw ang privacy sa bata ug waa nagpasabot nga dili siya mapasigarbuhon niini. Daghang nagtuo nga nanganak na si Janella didto sa UK niadtong October 21, gumikan sa post sa iyang uyab nga si Markus Patterson, diin hulagway sa baby ug nawong sa babaye nga naghigda ang gipakita.

Happy, Blessed

Dili buot nganlan nga insensitive, apan matud ni Sam Milby malipayon ang iyang kasingkasing taliwala niining pandemya. Blessed matud pa siya sa iyang lovelife, diin una nang nabaniog ang ilang relasyon ni kanhi Miss Universe Catriona Gray. Blessed usab siya sa iyang mga kadugo, higala ug churchmates. Labaw sa tanan blessed siya sa iyang career sanglit top trending kanunay ang iyang teleserye nga Ang Sayo Ay Akin kauban sila si Jodi Sta. Maria ug Iza Calzado.

Pagdasig ug Pagdepensa sa mga Rayna!

Mitaas ang kumpyansa ni Miss Universe Philippines Rabiya Mateo gumikan sa mga tambag sa kanhi mga Miss Universe nga sila si Pia Wurtzbach ug Catriona Gray.  Kini human usab medyo naapektuhan siya gumikan usab sa kontrobersiya nga nitumaw human siya nakoronahan gumikan sa akusasyon nga nasayod na siyang daan sa pangutana ngadto niya atol sa Q&A portion sa pageant.

Padayag ni Rabiya ngadto sa Magandang Buhay hosts sa ABS-CBN sa nilabay nga adlaw: “Dahil nga po nakausap ko si Miss Pia and si Catriona, sinasabi nila, 'Ganoon talaga pag beauty queen ka. People can talk about you and sometimes you can’t do anything about it. You can’t stop it.

"'Pero always remember kung bakit ka ba talaga nag-join. Is it to impress other people, or is it your purpose to make a difference in the society?'

“So, dun talaga ako nabuhayan ng loob na, sabi ko, kahit nga sila mga Miss Universe na talaga, di ba, may challenges talaga sa buhay. “And yung nangyari sa akin, pagsubok lang talaga siya na kayang-kaya kong harapin.”

Nagpasalamat sab siya kang kanhi Miss Universe Gloria Diaz kinsa namahayag nga haom ug angayan sa iyang kadaugan si Rabiya. Daw gigitik sa kalipay ang Ilongga beauty queen human usab niingon si Diaz nga anggid og dagway sa iyang anak nga si Isabelle Daza si Rabiya.