Ulysses mabangis: Rescue Operations

CEBU, Philippines — Wala nagduhaduha ang magtiayong Jericho Rosales ug Kim Jones sa pagtabang sa rescue operations didto sa Tumana, Marikina kagahapon gumikan sa labihang pagbaha nga mugna sa labihang pag-ulan gumikan sa Bagyong Ulysses. Gamit ang ang surf boards nitabang og rescue ang magtiayon sa mga na stranded nga mga silingan sa ilang tagsa-tagsa ka mga balay.

Nakulbaan  isip inahan

Gipadayag ni Pokwang ang iyang kabalaka gumikan sa Bagyong Ulysses. Matud niya, kaniadto malipay matu pa sila kun may bagyo sanglit walay klase, apan karon nga inahan na siya, makulbaan gyud siya kun adunay bagyo. Sa Antipolo City nanimuyo si Pokwang, diin usa sa labihang naapektuhan ang maong dapit sa bagyo.

Daw bawod nga nihampak

Si Lovi Poe, ni tweet nga tibuok gabii siya nga wala makatulog gumikan sa makusog nga hangin nga nagdala og hilabihang pag-ulan.  Suma pa niya, daw bawod nga nihampak ang kasikas nga iyang nadungog sa palibot. Nanghinaot siya nga unta maluwas ang tanan.

Rescue Hotlines

 Sama kang Lovi, wala sab makatulog si Gary Valenciano. Busa nag-ampo siya alang sa mga residente sa mga dapit nga labihang gibaha, dungan sa panghinaot nga sila panalipdan unta sa Labaw’ng Makagagahom. Gi-share sab niya ang hotline numbers para sa rescue operations.

Keep Safe

Keep safe everyone sab ang panawagan sa Kapuso star nga si Bea Benene sama sa magtiayong Kian Cipriano ug Chynna Ortaleza. Gipadayag sa magtiayon nga nasinati nila ang brownout, samtang si Kian nibutyag nga wala siya nakatulog gumikan sa makusog nga hangin.