Wala magkita

Usa ka bulan na nga wala magkita ang magtiayong Glydel Mercado ug Tonton Gutierrez gumikan sa lock-in tapings sa ilang tagsa-tagsa ka teleserye sa ABS-CBN. Nibiya si Tonton paingon sa Zambales niadtong September 28, ug sa October 20 pa kini mahibalik. Kini para sa taping sa Walang Hanggang Paalam. Si Glydel sab naka lock in taping gikan October 1 hangtud October 13, para sa umaabot nga ABS-CBN series nga Bagong Umaga.

Usa ka lugar lang

Sa ABS-CBN compound ra tanan gimugna ang mga eksena sa Bagong Umaga, diin matud pa, tanang eskina ug mga opisina nagamit gyud nila. Gipangitaan og nindot nga anggulo, arn adto sila magmugna og merkado, ospital ug uban pa nga gikinahanglan sa istorya. Pero, kun tan-awon matud pa puhon ang teleserye, daw naa sila sa lain laing dapit.

ABS-CBN series

Giklaro ni Dimples Romana nga Star Magic talent gihapon siya bisan pa man og aduna siyay umaabot nga sitcom sa TV5 nga mao ang Oh My Dad kauban si Ian Veneracion. Butyag ni Dimples aduna siyay himuon nga teleserye para sa ABS-CBN karong January 2021 ug aduna sab siyay online public service show. Nasayran nga ang Oh My Dad iyaha sa Brightlight Productions nga nipalit og oras sa TV5 aron mapasalida ang nagkadaiya nilang mga shows.