Babalik sa ere, Ted hahataw sa FM Radio!

MANILA, Philippines — Babalik na sa ere si Ted Failon sa Radyo5 matapos siyang pumirma ng kontrata dito kahapon. Thirty years naging Kapamilya si Ted bago hindi binigyan ng franchise ng Kongreso at bawiin ng NTC ang frequencies ng ABS-CBN network.

Ang Radyo5, 92.3, ang isa sa leading FM news stations sa bansa, under the TV5 media banner.

Tulad sa mga nauna nang naisulat namin, makakasama pa rin niya sa programa sa nilipatang network si DJ Chacha na Baby Girl ang tawag niya na mag-uumpisa na this month.

Nakilala ang tambalan nila sa Failon Ngayon sa DZMM.  “We are excited to deliver a paradigm shift on FM Radio. And we are thankful that Radyo 5 will give us the opportunity to serve the people with this one-of-a- kind format,” pahayag ni Ted sa contract signing.

“Maraming, maraming salamat po sa Radyo 5 sa pagkakataon na ito. At sa lahat ng aming mga tagapakinig, mas gaganda ang inyong umaga dahil malapit nang mabago ang tunog ng FM Radio!,” dagdag niya.

Bukod kay DJ Chacha, bitbit ni Ted sa Radyo5 ang team niya sa Failon Ngayon kung saan ka-format diumano nito ang magiging docu program niya sa TV5.