Misabay sa uso
CEBU, Philippines — Hingpit na gyud nga gisuwayan ni Joshua Garcia ang pag-vlog ug gilusad na niya niadtong Lunes ang iyang YouTube channel.
Sa una niya nga vlog, gipakita sa aktor ang paghatag niya og MacBook ngadto sa iyang igsoun nga si Lorenza aron maoy gamiton sa online classes niini.
Nausab ang kinabuhi
Gibutyag ni Ejay Falcon nga nausab gyud ang iyang kinabuhi sukad naabot ang iyang girlfriend nga si Jana Roxas.. Makatarong gyud siya og desisyon tungod sa iyang girlfriend. Upat ka tuig na ang ilang relasyon.
Hinay-hinay lang
Mabinantayon gyud kanunay si Pokwang sa iyang mga komedya karong panahona. Tungod sa pandemya, gipaneguro sa komedyanteng aktres nga sensitive gyud siya sa mga panghitabo karon sa nasud.
Casa Esperenza
Hapit na mahuman ang resort nga gipatukod nila ni Zsa Zsa Padilla ug sa iyang partner nga si Conrad Onglao didto sa Lucban, Quezon. Ginganlan kini og Casa Esperanza nga gibase sa tinoud nga pangalan ni Zsa Zsa.
Na-pressure gamay
Aminado ang mga anak ni Sunshine Cruz nga sila si Angelina, Sam, ug Cheska nga naka-feel gyud sila og pressure gumikan kay nakatatak na sa ilang inahan ug sa uban nila nga mga kaliwat ang pagka-maayo mokanta ug moarte.
Wala magdahom
Wala damha sa anak ni Manny Pacquaio nga si Michael nga makadawat og mga paghangop ang talento niya sa pag-rap. Pangandoy ra gyud ni Michael kaniadto nga mahimong basketball player. “Ever since I wanted to be a professional basketball player. I didn’t expect to go this far. I didn’t expect it to blow up and I will reach this far,” saysay pa ni Michael sa interview niini sa online show ni Korina Sanchez.
Jisoo pasok sa K-Drama
Ang miyembro sa Blackpink nga si Jisoo maoy usa sa mahimong bida sa K-Drama nga Snowdrop. Nagpanikad na og maayo ang fans ni Jisoo sa maong proyekto.
Mobalik o dili?
Dili pa matino ni Anne Curtis kun kanus-a siya mobalik sa Kapamilya noontime show nga It’s Showtime. Kasamtangang gi-enjoy ni Anne ang iyang oras sa pag-atiman sa anak nila ni Erwan Heussaff nga si Dahlia didto sa Australia.
Gihangop dayon
Ni-click dayon ang shop ni KC Concepcion nga KC’s Closet. Gipaneguro ni KC nga affordable ang iyang mga baligya aron dali ra kini mahalin.
Nasakitan si Jessy
Tawagon siya kanunay og “ahas”. Mao kini ang labing sakit nga pulong nga nadawat ni Jessy Mendiola gikan sa iyang bashers. Suma pa ni Jessy nga nasakitan gyud siya niini sanglit dili tinoud nga mangilog siya og uyab. Naabot ang higayon nga wala na siya manumbaling sa ipanulti sa iyang bashers.
- Latest