Angeline miangkon na

CEBU, Philippines — Giangkon  na ni Angeline Quinto nga duna siya’y boyfriend  apan nagdumili siya pagbutyag sa background niini.

Suma pa ni Angeline nga wala pa niya kini gipaila-ila sa iyang ginikanan.

Una nga nikatap ang taho nga non-showbiz ang uyab sa singer.

Kahinumdoman nga nag-post si Angeline og hulagway sa Instagram kun diin sweet kaayo sila sa usa ka lalaki.

Darna nagkahanap

Tungod   sa pandemya  ,  dili  na segurado nga mabuhat pa ang pelikulang Darna nga pagabidahan ni Jane de Leon.

Suma pa nga kinahanglan og bug-at nga mga eksena ang pelikula  sama sa fight scenes nga lisod na buhaton tungod sa new normal.

"We are committed to following production guidelines under the 'new normal' and the safety of the actors and production team is a top priority. However, because the movie requires complex logistics, crowd shots, and fight scenes that involve physical contact, it will be difficult to give justice to the superhero film while strictly adhering to the guidelines," tipik sa statement sa ABS-CBN.

Unahon ang kasal

Gitataw ni Kris Bernal nga wala sila’y plano sa  iyang hinigugma nga si Perry Choi nga mag-uban og puyo sa usa ka balay samtang wala pa sila gikasal.

 Nasayran nga engaged na sila si Kris ug Perry ug excited na kaayo sila sa ilang pagpanumpa sa ilang gugma sa usa'g-usa.

Tungod sa pandemya, gipatuman sa duha ang social distancing  sa higayon nga magkita sila busa gilikayan nila ang paggakos ug paghalok. 

Lami nga lawas

Dili gyud masipyat si Ruru Madrid sa  pag-workout matag adlaw  bisan naa ra siya sulod sa iyang panimalay. Usa kini sa mga sikreto sa aktor sa nindot nga porma sa iyang lawas.

Libreng plane tickets

Nag-apod apod si Ronie Liang og libreng plane tickets sa mga na-stranded niya nga mga kababayan. Aktibo karon ang singer sa pgtabang sa iyang isigkatawo.

Mibalhin sa DZRH

Nipirma na og kontrata sa DZRH sa miaging adlaw ang  kanhi Kapamilya  radio personalities nga sila si Anthony Taberna ug Gerry Baja .  Ang programa nila magtangag sa titulo nga Dos Por Dos.

Molugwa sa TV5

Si Judy Ann Santos ang special guest sa usa sa mga episode  sa show ni Luchi Cruz Valdes nga Usapang Real Life.

Managop

Gidasig ni  Heart Evangelista ang katawhan nga mosagop og mga iring ug iro.  Nasayran nga ubay-ubay na ka iro ang gisagop sa aktres .

Virtual party

Gisaulog ni  Mother Lily Monteverde ang iyang birthday sa miaging adlaw pinaagi sa  Zoom. Ubay-ubay ang nakig-uban kaniya sa maong online birthday celebration.

Dream house

Pinaagi sa programang Unang Hirit, gipakita ni Derek Ramsay ang sulod sa iyang balay . Suma pa sa aktor nga mao kini ang resulta sa pagkugi niya sa showbiz sulod sa taas nga katuigan.