Pinoy film nakadaog sa Amerika

CEBU, Philippines — Ang pelikula ni Isabel Sandoval nga naghisgot sa usa ka Pinay caregiver didto sa New York nakadawat og Jury Award isip Best Narrative Feature sa Bentonville Film Festival didto sa Amerika.

Ang maong pelikula nag-ulohan  og ‘Lingua Franca’ nga  nagtangag  og bulawanong mensahe kalabot sa paglaom.

Ang Bentonville Film Festival gitukod ni Oscar winner Geena Davis.

Molugwa na usab ang  “Lingua Franca” sa Netflix sugod karong  August 26.

Star Cinema modalit og bag-ong proyekto

Usa ka digital project pinaagi sa   audio visual podcast  ang  umaabot nga proyekto sa Star Cinema.

Nag-ulohan kini og The Four Bad Boys and Me kun diin si Maymay Entrata ang magsilbing  narrator niini nga susama og dating ni Charon Santos sa Maalaala Mo Kaya.

Madunggan kini sa Facebook , ug Youtube account sa Star Cinema. Molugwa usab kini sa Spotify.

Ang The Four Bad Boys and Me  kay sinulat ni Tina Lata nagsugod sa Wattpad niadtong 2013 ug gihimoan usab kini og libro .  Malakip usab sa maong proyekto sila si Karina Bautista, Aljon Mendoza, Chie Filomeno, Mark Rivera,  Alora Sasam join Kaori Oinuma, Rhys Miguel, ug Jeremiah Lisbo . Tipik kini sa  Listen To Love  nga digital lovecast series sa Star Cinema.

Sa virtual presscon sa miaging gabii, gibutyag ni Maymay nga nasurpresa siya nga nahatag kaniya ang maong major role .

“Malaki ang pasasalamat ko dahil nakatanggap ako ng project sa panahong ito, “ suma pa ni Maymay.

Aminadon si Maymay nga bag-o alang kaniya ang maong klase nga proyekto busa excited na siya nga mapalanog kini.

Nag-partner sa negosyo

Nagbukas og negosyo ang aktor nga si Edu Manzano sa miaging adlaw ug usa kini ka kan-anan.

Matud pa sa aktor nga ka-partner niya sa maong negosyo ang sikat nga mga miyembro sa Ben&Ben nga sila si  Paolo  ug Miguel Guico.

Suma pa ni Edu nga higala niya ang amahan sa nahisgotang singers.

Pag-una ,  wala pa siya kaila sa Ben&Ben apan pagkadungog niya sa mga awit niini, nakadayeg gyud siya og maayo.

Baninay ug uyab, positibo sa coronavirus

Nag-positibo sa COVID 19 ang kanhi Pinoy Big Brother housemate  nga si Baninay Bautista ug ang boyfriend niini nga vlogger nga si Bont Oropel.

Lakip usab sa nataptan sa maong sakit  ang inahan ug igsoun ni Bont.

Nasayran nga naglain ang tutonlan ni Baninay , samtang ang iyang boyfriend nawad-an og panlasa ug dili makatimaho.

Oras alang sa anak

Panahon sa community quarantine , gipahimuslan ni Katrina Halili ang iyang oras  sa pagbantay sa iyang anak. Nalakip si Katrina sa teleseryeng Prima Donnas s GMA-7.

Pangontra ni JM

Nag-post og video si JM de Guzman sa Instagram kun diin  gitabunan niya og towel ang iyang ulo  nga gibasa og ice. Giingong pangontra niya kini sa higayon nga magsagobang siya og panic disorder.

Molugwa si Vince

Ang Prima Donnas star nga si Vince Crisostomo maoy  celebrity searcher sa GMA Artist Center online dating game nga “E-Date Mo Si Idol” karong adlawa.   Ang co-star niya sa  Prima Donnas nga si Elijah Alejo ang magsilbing host  maong online dating game.

Namaligya  og embutido

Samtang nakaung-ong ang iyang mga proyekto, ang pagpamaligya og embutido ang gikabisihan karon sa aktor nga si  Eric Fructuoso. Suma pa sa aktor nga kinahanglan siya maningkamot alang sa iyang anak.