Jeric Gonzales, mas pumayat ngayong ECQ

Ay kapansin-pansin ngang mas naging fit ang pangangatawan ng GMA actor na si Jeric Gonzales sa gitna ng enhanced community quarantine.

Doble raw kasi ang pangangalaga niya sa kanyang kalusugan. Kahapon nga ay naging guest siya sa online show ni Bammbi Fuentes with Ms. Pinky Tobiano. Kuwento niya, “Mas balanced ‘yung diet ko ngayon unlike sa taping na lagi kaming puyat at pagod. And then, kailangan mo ng energy kaya kumakain kami ng junk food at ng sweets. Ngayon, well-balanced na ang diet ko dahil lutong bahay at luto ng nanay ko. Puro gulay!

“Nakakapag-exercise din ako ngayon araw-araw na hindi ko nagagawa dati. Gustuhin ko man mag-workout pero ‘di ko nagagawa. Ngayon ang dami kong time para mag-workout and mag-exercise. I feel good because I lost weight,” chika pa ni Jeric kahapon.

Isa pa raw sa libangan niya ngayon ang panonood ng mga Korean drama series o K-drama.  “Nagkaroon ako ng time manood ng maraming movies, series, but more specifically Korean dramas. Mas marami akong napanood na K-dramas na nakakarelaks, nakakakilig, at maganda rin siyang stress reliever sa pagka-bored natin.”

Tinuruan din siya ni Bambbi since may social distancing na nga, pag nag-umpisa na ang new normal sa taping kung paano mag-make up ng sarili.