‘Pag-ibig’ nila Lovi-Zanjoe, kasing init ng panahon

Grabe kasing-init ng summer ang mga tagpo ng pag-ibig sa iWant ngayong Mayo dahil sa tatlong orihinal na palabas na pinagbibidahan nina Lovi Poe at Zanjoe Marudo, Mylene Dizon at Kit Thompson, at Angelica Panganiban / JM De Guzman kasama ang iba pang Kapamilya stars.

Matatagpuan nina Lovi at Zanjoe ang isa’t isa sa Italy sa original movie na Malaya, na idinirek din ng Glo­rious creator na si Concepcion Makatuno at mapapanood sa Mayo 28.

Magkalayo ang edad ngunit pagtatagpuin naman ng tadhana sina Mylene at Kit sa pinag-usapang 2019 Cinemalaya entry na Belle Doleur na darating sa Mayo 20.

Tatlong kwento ng kasinungalingan at kataksilan naman ang mapapanood sa sexy suspense film na Love Lockdown nina Angelica at JM sa Mayo 13.  Kinuhanan sa Zoom, iikot ang kwento sa mga taong papatunayan na walang hahadlang sa pag-ibig, kahit pa sa panahon ng quarantine. Tampok din sa cast sina Jake Cuenca, Kylie Verzosa, Sue Ramirez, Arjo Atayde, at Tony Labrusca.

At sila mismong mga bida ang nag-shoot ng kanilang mga eksena sa nasabing palabas. “Hello back in the real world, for the past 3 days we’ve been shooting an episode for @iwantofficial under the direction of @rekdidarn through zoom. Entirely shot on our iPhones and by ourselves,” ang post recently ni Kylie.

Neighbors sila ni Jake kaya wala silang problema. Ang akala nga ng iba, live in sila dahil parati ngang magkasama kahit lockdown.

Anyway, habang may closure order ang ABS-CBN, DZMM and MOR, napapanood din pala sa iWant ang TV Patrol ng live tuwing 6 PM gabi-gabi, pati na ang DZMM Tele­Radyo at ang ANC live channel. Patuloy ring mapapanood ang mga paboritong Kapamilya teleseryes, talk and variety programs anumang oras sa streaming service, pati na ang The Daily Mass nang mula Lunes hanggang Linggo.

Magbubukas naman ang documentary section ng iWant para sa bagong documentaries. Makisisid sa underwater adventures sa Wreck Hun­ters, tunghayan ang training ni Matteo Guidicelli bilang sundalo sa Ranger G, at suriin ang buhay ni Imelda Marcos sa The Kingmaker.

Actually, dumami ang nanonood ng streaming service dahil nga sa extended enhanced community quarantine na may chance pa diumanong ma-extend.

ABS-CBN umaasang isisingit ang kanilang franchise sa virtual session ng congress

Speaking of ABS-CBN, kahapon sa kanilang statement ay umaasa ang network na aaksyunan agad ng Congress ang nabinbin nilang franchise na naging dahilan ng pagpapasara sa kanila ng NTC.

“ABS-CBN is grateful for the overwhelming support we have received from our Kapamilya.

“We trust that Congress will be able to act on our pending application for a franchise renewal at the soonest possible time.

“We are thankful for the efforts of both the House and the Senate leaderships to ensure that the network will continue to operate while the bills are being deliberated upon. During this pandemic, our services are needed most.

“It is unfortunate that despite Senate Resolution No. 40, the House of Representatives’ committee on legislative franchises’ letter, and the favorable legal opinion of the Department of Justice, the National Telecommunications Commission (NTC) still issued their cease and desist order prohibiting ABS-CBN from continuing its broadcast operations effective immediately.

“This is a challenging time for the network.  But we have found strength and inspiration in the many acts of kindness and support shown to us by the public.  Thank you for letting us know that we matter to you,” ang kanilang pahayag.

Pero sa weekly online schedule ng Congress ay hindi pa rin ito naka-calendar sa committee hearing nila. May session ang Congress tomorrow until Wednesday via Zoom.

Kris tanggap na may mga bagay na hindi na babalik sa dati

One million views na as of yesterday afternoon ang FB live ni Kris Aquino the other night.

Healthy looking na si Kris at alam mong nakapahinga siya nang husto.

More than a month na pala silang mag-iina sa Mindoro. Bago ‘yun ay nag-stay na sila sa isang five star hotel sa Boracay.

Enjoy daw siya sa buhay sa probinsiya kahit hindi niya kasama ang mga kapatid at tanggap na niya na may mga bagay na hindi puwedeng bumalik sa dati. “Parang now you realize na life is really so unpredictable. Hindi mo alam kung anong mangyayari, hindi mo alam kung anong naitadhana para sa yo,” bahagi ng mga chika ni Kris sa mga nagtatanong sa kanya during the FB live session.