Album ni Sujo, i-release na!

CEBU, Philippines — Nihimo og Twitter session ang South Korean singer  ug leader sa EXO nga si Suho sa miaging gabii.

Gitubag niya ang mga pangutana sa iyang fans nga dunay kalabotan sa promosyon  sa iyang upcoming solo album .

Sa  live chatroom ,nigamit kini sa hashtags nga  #TwitterBlueRoom ug  #SUHO.

Ang iyang album nga “Self Portrait” , gikatakdang i-release  karong March 30.

Kahinumdoman nga nisikat si Suho human siya nahimong kabahin sa grupong EXO niadtong 2012.

Natampo ni Ellen

Wala kapanukod ang haters ni Ellen Adarna  kinsa niakusar sa aktres nga matud pa wala’y natabang  sa krisis  nga giatubang karon sa nasud nga nahatag sa COVID-19.

Sa iyang Instagram story , gitataw ni Ellen nga nitabang siya ug ang iyang pamilya sa sa mga PUI (persons under investigation) didto sa Davao pinaagi sa pagpa-istar niini sa ilang negosyo nga hotel sa maong dapit.

"To some haters messaging me about puro lang ako 'happy happy' and I'm not doing anything to help, here is my reply to you. @sebastianduterte called me and asked me if it was possible to use one of our establishments in Davao and okay na. Solved na. Sabta mga basher na di kasabot,”  mensahe pa ni Ellen nga mabasa sa iyang IG story.

Gipaambit usab ni Ellen ang screenshot sa usa ka netizen nga taga Davao nga nagpasalamat kaniya.

JM, composer na

Si JM de Guzman mismo ang nag-compose sa iyang bag-ong single  nga nag-ulohan og “Asa”.

Suma pa ni JM nga gibase kini sa iyang kaagi ug nitabang kaniya sa pagmugna sa maong awit mao ang ABS-CBN Music creative manager nga si Jonathan Manalo.

Ang maong awit gipaluyohan sa Star Music.

Giingong naghisgot kini sa tawong nahigugma apan wala gyud makadawat og sukli sa giladlad niya nga feelings .  Na-release na ang maong awit sa Spotify, Apple Music, iTunes, ug YouTube.

Darna nanghatag og relief goods

Ang senior citizens maoy usa sa mga sektor nga gitabangan sa Kapamilya star nga si   Jane de Leon samtang nag-atubang  og krisis ang nasud.

Nitabang sa pag-repack ug pag-apod apod og grocery items  si Jane sa  senior citizens sa Cainta, Rizal.

Nakauban usab niya ang mga opisyales sa maong dapit.

"Nagpaabot po kami ng aming tulong sa isang barangay that needed help. Nakakataba po ng puso na makita silang masaya. I keep on praying na bigyan pa ako ng Panginoon ng sapat na lakas para patuloy na makatulong pa sa mas nakakarami. Maraming salamat po... God bless mga Kapamilya," suma pa sa iyang IG post.

Si Jane maoy bida sa umaabot nga  movie adaptation sa Darna.

“Corona Ba-Bye Na” ni Vice , mi-click

Ni-click karon sa  Tiktok ang bag-ong kanta sa komedyanteng TV host nga si  Vice Ganda nga “Corona Ba-Bye Na.”

Una kini nga nag-trending sa “Pantawid ng Pag-ibig” campaign sa  ABS-CBN  sa miaging gabii.

Dali ra kaayo nakamugna sa ilang  mga dance video sa Tiktok ang netizens.

Ang maong awit ni Vice naghisgot og coronavirus.

Samtang  dili pa lang dugay, nidonar si Vice og N95 masks, medical disposable gloves, goggles, alcohol, ug disinfectant spray sa pipila ka mga tambalanan didto sa kaulohan.

Angel nagmugna og inato nga PPE

Tungod kay nagnihit ang  PPE o Personal Protective Equipment karong panahona , nakakita og pamaagi ang aktres nga si Angel Locsin nga makamugna og proteksyon sa iyang kaugalingon  samtang nitabang siya sa mga tawong apektado  sa COVID-19 outbreak.

Sa usa ka hulagway nga nikatap sa social media , makita nga nigamit si Angel og garbage bag isip proteksyon sa iyang lawas.

Sa comment section sa Instagram account ni Angel , nagbaha ang mga mensahe  nga nidayeg sa gibuhat sa aktres . Usa si Angel sa mga  artista nga aktibo sa  pagtabang sa mga apektado sa coronavirus outbreak.  Dili pa lang dugay , nanghatag siya og mga higdaanan sa health workers inubanan usab sa tabang sa iyang mga higala nga artista.

Cebuana singer , mipalanog sa bag-ong awit

Sa atong kinabuhi niining kalibutana ,  nagbaha gyud ang mga gitawag nga “instant”  .

Usa na niini mao ang gitawag nga instant love. Gikatahong dili garantiya nga magpabilin sa inyong kinabuhi ang tawo nga kalit mopatim-aw kaninyo.

Tipik lang kini sa mensahe nga gidalit sa bag-ong awit ni Nova Abaniel nga "Kalit”.

Sinuwat kini ni Joeric Delarmente ug gi-produce ni  Mark Cabrera sa Cambrian Studios. Ikaduha usab kini nga awit ni Nova nga ubos sa Viva Records.

Matud pa nga nakasulod ang awit nga “Kalit” sa playlists sa OPM Work Day Marathon ug New Music Friday  sa Spotify.  Aduna usab kini lyric video nga na-upload sa YouTube channel sa Viva Records.

Kapamilya ug kapuso singers  naghiusa

Naghiusa  ang singers sa ABS-CBN ug GMA-7  sa paghatag og inspirasyon sa mga Pinoy  nga maghiusa sa kampanya sa pagpakgang sa pagkuyanap  sa COVID-19 pandemic.

Gikanta nila ang inspirational song nga  "We Heal As One”  nga nagdasig sa mga Pinoy nga  magtinabangay ug mohatag og  kontribusyon sa pag-alkontra sa COVID-19.

Gikatahong revival  ang maong awit sa  2019 SEA Games official theme song nga “We Win As One” nga gi-compose sa  beteranong  musikero  nga si Ryan Cayabyab .

Ang  Kapamilya singers nga nikanta niini mao sila si   Jed Madela, Jamie Rivera, KZ Tandingan, Iñigo Pascual, Ogie Alcasid, Martin Nievera, Sarah Geronimo, Bamboo, Gary Valenciano, Apl de Ap, ug  Lea Salonga.

Samtang ang Kapuso singers nga nahimong kabahin niini mao sila si Alden Richards, Julie Anne San Jose, Pops Fernandez, Mark Bautista, Rita Daniela, Paolo Valenciano, Aicelle Santos, Ken Chan, Lani Misalucha, ug Christian Bautista.

Aduna pu’y partisipasyon niini ang pipila ka  performers sa entablado nga sila si Michael Williams, Isay Alvarez, Menchu Lauchengco , ug  Robert Seña .

Nanukad sa tagsa-tagsa nila ka mga panimalay ang pag-record sa ilang mga tingog.