Angel nangolekta og taping beds
CEBU, Philippines — Dili kuwarta ang gipangayo ni Angel Locsin, apan taping beds o folding beds ang iyang panawagan ngadto sa iyang mga kaubanan sa showbiz industry. Ang taping beds nga madawat niya, Iyahang ihatag ngadto sa mga nagtrabaho sa hospital alang sa itaod nila nga sleeping tents.
Nihatag dayon sa ilang taping beds sila si Angelica Panganiban, Anne Curtis-Heussaff, ug Bea Alonzo.
Production talent sa GMA, positibo sa COVID-19
Usa ka "freelance production talent" sa GMA-7 ang nagpositibo sa coronovirus disease o COVID-19 ug ang network mismo ang nikumpirmar niini.
"The Network is in close coordination with the Department of Health and the LGU through the barangay officials, to ensure that all necessary protocols are being followed in addressing the situation,” suma pa sa GMA-7.
Sa ilang nasayran, katapusang nibisita sa GMA-7 ang maong talent nahitabo niadtong February 28 sa annex building sa network kun diin ipahigayon ang taping sa All Out Sundays, Wowowin, ug Bubble Gang.
Gipa-monitor na ang mga tawo nga nakabaton og direct contact sa maong pasyente.
"Intensified efforts are now being undertaken by the Network to ensure the safety and well-being of all its employees and talents,” tipik sa statement sa GMA.
Kenny Rogers mipanaw
Nipanaw na ang 81 anyos nga country music icon nga si Kenny Rogers niadtong Biyernes sa gabii.
"Rogers passed away peacefully at home from natural causes under the care of hospice and surrounded by his family,” suma pa sa statement sa representante sa pamilya sa aktor. Siya ang nagpasikat sa awit nga "The Gambler, “Lady,” “Islands in the Stream,” “Lucille,” "You Decorated My Life," "She Believes In Me," "Three Times A Lady," ug "Through The Years."
Rocco nag-birthday kauban ang frontliners
Gisaulog sa Kapuso actor nga si Rocco Nacino ang iyang 33rd birthday dili pa lang dugay kauban ang mga military personnel nga usa sa mga busy karong panahona sa kampanya sa pakigbatok sa coronavirus disease 2019 (COVID-19).
Usa ka Philippine Navy reservist ang aktor ug ang pag-alagad sa katawhan maoy iyang gipatigbabaw sa pagsugat niya sa iyang birthday. Nag-apod apod siya og mga pagkaon ug tubig sa mga frontliners.
- Latest