Van nga gisakyan ni Kim girakrakan
CEBU, Philippines — Gipaulanan og bala ang van nga gisakyan sa aktres nga si Kim Chiu didto sa Quezon City kagahapon sa 6:15 sa buntag.
Suma pa sa gisaysay sa driver ni Kim nga si Wilfredo Taperla ngadto sa ABS-CBN News, luwas hinoun ang 29-anyos nga aktres, ingon man usab ang assistant niini.
Giingong duha ka wala mailhing lalaki nga nakasakay og motorsiklo ang namusil sa gisakyan nila nga van.
Paingon na unta ang grupo ni Kim sa taping sa teleserye nini sa ABS-CBN nga Love Thy Woman sa dihang nahitabo ang pagpamusil.
Human sa maong hitabo, . nipadayon sa taping ang Kapamilya actress.
Sa pasiunang imbestigasyon sa Quezon City Police District (QCPD), gipaulanan og mga bala ang van ni Kim sa dihang naka-stop ang traffic light.
Naa sa atubangang bahin sa shopping mall nga UP Town Center sa Barangay UP Campus sa Diliman ang van sa aktres.
Sa Instagram post ni Kim , gipadayag sa aktres nga nipukaw sa iyang pagkatulog ang pagpangrakrak .
Nagtoo ang aktres nga dunay laing target ang mga suspek ug nasaypan lang ang iyang sakyanan.
Matud pa ni Kim nga wala siya’y kaaway.
“I was so scared, I don’t know what to feel right now.Wala naman akong kaaway or ka atraso. Why me?”,” ,” suma pa sa IG post ni Kim.
Nihatag usab og mensahe si Kim sa mga nibuhat sa maong salaod.
“Kung sino man ang gumawa nito Diyos na ang bahala sa inyo dalawa.Sana tininignan nyo muna ang plate number bago nyo paulanan ng bala yung kotse ko,” tipik sa post sa aktres.
Niunong sa Kapamilya actress ang pipila ka ABS-CBN executives nga sila si Johnny "Mr. M" Manahan, Chairman Mark Lopez, COO of Broadcast Cory Vidanes, President and CEO Carlo Katigbak ug Integrated News and Current Affairs head Ging Reyes.
Suma pa ni Kim nga dili gyud niya mahulagway ang gibati niya nga kakulba.
“Natutulog lang ako. Dapat magbabasa ako ng script pero inantok ako along the way palabas ng village so humiga ako. So kung hindi ako inantok, tinuloy ko 'yung pagbabasa ng script, siguro tinamaan na ako. Nagpaulan ng bala, eight bullets. Nakita ko 'yung isang bala nasa windshield nakapatong. I’m scared,” saysay pa niya ngadto sa ABS-CBN News..
Dali nga gi-check ni Kim ang iyang mga kauban human sa pagpangrakrak.
“Tinignan ko silang dalawa. ‘Okay ba kayo?’ Kasi 'yung driver ko, 'yung windshield niya, butas na ng bala. Sabi nila, ‘Okay kami’ Sabi nila, ‘Ikaw, okay ka ba?’ Sabi ko, ‘Okay naman ako.’ Tapos hanggang sa umupo ako, nakita ko 'yung mga baril na bilog bilog sa bintana,” dugang pa niya.
Dali niya nga gitawagan ang iyang igsoun human sa maong hitabo gumikan kay wala ‘y masulod sa iyang huna-huna kun unsa ang sunod niya nga buhaton.
“Tumawag ako na binaril 'yung kotse ko. Ang dami kong tinawagan kasi hindi ko alam anong gagawin ko. Nasa loob ako ng sasakyan, ang daming pulis sa labas. May mga MMDA na. Hindi ko na alam. After that, nag-hang ako,” saysay pa sa aktres.
Showtime gipildi sa EB
Nagmadaogon ang noontime show sa GMA-7 nga Eat Bulaga niadtong Sabado, February 29 , 2020 .
Base sa Kantar Media, nakalangkat ang Eat Bulaga og rating nga 15.3% , samtang ang kaatbang niini nga It’s Showtime sa ABS-CBN, nakakuha og 14.1%
Nasayran nga nag-iyahay og pabonggahay sa ilang mga segment ang nahisgotan nga mga programa.
- Latest