Snooky rumampa sa France, hindi natakot sa coronavirus

Uy kumpirmadong walang takot si Snooky Serna sa novel coronavirus. Kasalukuyan siyang nasa Paris at nakapag-pictorial pa sa Eiffel Tower na uploaded sa social media accounts ng manager niyang si Leo Dominguez.

Hindi na ngayon puwede sa France na magtipon-tipon sa isang public event ang mahigit 5,000 na tao na ang venue ay saradong lugar dahil pa rin sa coronavirus ayon sa mga online report.

Ayon sa Reuters, 73 people na in France ang sinasabing may kumpirmadong virus at isang 60-year old French citizen ang unang namatay sa covid-19.

Sina-suggest na rin ng French government na ‘wag munang mag-shake hands ang mga tao para makaiwas sa coronavirus.

Anyway, side trip lang ni Snooky ang pagiging turista sa France dahil ang talagang pakay ng biyahe niya doon ay ang dumalo sa Porto International Film Festival / FantasPorto dahil kasali ang pelikula niyang In The Name of the Mother na dinirek ng batikang si Joel Lamangan.

Dama raw ni Direk Joel, magwawaging best actress si Snooky sa nasabing pelikula.

Hindi pa napapalabas ang In the Name of the Mother commercially sa bansa.