Erwan nahirapang gawin ang pina­g­lihiang pancake ni Anne!

Isa pala sa na-crave ni Anne Curtis noong naglilihi ito ay ang Japanese Souffle Pancake.

Dahil isang culinary chef ang mister niyang si Erwan Heussaff, kinulit-kulit daw niya ito para ipagluto siya ng Japanese Souffle Pancake.

Pero sa unang attempt daw nito ay hindi successful kaya lalo raw siyang kinulit ni Anne na gawin itong perfect.

A total of 11 times daw na nag-attempt si Erwan hanggang sa ma-perfect niya ang kine-crave na pancake ng kanyang misis.

Pinost nga ni Erwan sa kanyang YouTube channel kung paano gawin ang tinatawag niyang “the most difficult pancake” ever.

“The Japanese souffle pancake is the lightest, fluffiest pancake, but it’s notoriously difficult to make. Here’s my attempt at making the most difficult pancake.”

Alam na ng lahat na tapos na ang paglilihi ni Anne at naghihintay na lang ito ng kanyang due date kung kailan niya isisilang ang baby girl nila ni Erwan.

Jessica Simpson

maglalabas ng libro sa naranasang sexual abuse sa edad na 6

Sa People magazine inamin ni Jessica Simpson na naging biktima siya ng sexual abuse at naging isa siyang alcoholic at drug dependent.

Sa kanyang ilalabas na memoir titled Open Book, nilahad ng singer ang naging trauma ng kanyang buhay.

“I was killing myself with all the drinking and pills. Giving up the alcohol was easy. I was mad at that bottle. At how it allowed me to stay complacent and numb,” sey ni Jessica na nag-quit sa pag-inom ng alcohol noong 2017.

Six-years old lang si Jessica nang makaranas siya ng sexual abuse mula sa isang babae na anak ng kanilang family friend. Nangyari raw iyon nang minsang mag-share sila ng kama nito dahil nakitira sila sa bahay nito.

“It would start with tickling my back and then go into things that were extremely uncomfortable. I wanted to tell my parents. I was the victim but somehow I felt in the wrong,” pag-alala ng singer.

Inamin ni Jessica sa kanyang parents ang pang-aabuso sa kanya when she was already 12-years old.

“It was during a car journey when I told my parents. My mom slapped my father’s arm and yelled, ‘I told you something was happening!’

“Dad kept his eye on the road and said nothing. We never stayed at my parents’ friends’ house again but we also didn’t talk about what I had said.”

Naging pop sensation si Jessica sa edad na 16 noong 1999 dahil sa hit album niya na Sweet Kisses na bumenta ng 4 million copies worldwide. Naging hit singles mula sa album na I Wanna Love You Forever, Irresistable and the title track Sweet Kisses.

In 2003, isa si Jessica sa nag-pioneer sa reality TV via Newlyweds: Nick And Jessica kung saan nakasama niya ang ex-husband niya na si Nick Lachey of 98 Degrees.

Kinasal sila ni Nick noong 2002 at nag-divorce sila noong 2006.

Jessica is now married to former American football player Eric Johnson, with whom she has three children.