Dunay third party?: JaDine kumpirmadong nagbuwag

CEBU, Philippines — Human  dul-an sa upat ka tuig  isip mag-uyab,  kumpirmadong nagbuwag na sila si  James Reid at Nadine Lustre .

Gihimo  ang kumpirmasyon  sa duha ka kampo pinaagi  sa ilang  official statement nga gipalugwa sa programang  Tonight With Boy Abunda sa  ABS-CBN niadtong  Lunes .

Suma pa sa duha nga gusto lang nila nga mo-focus sa tagsa-tagsa nila ka mga kinabuhi.  Gipaneguro usab duha nga magpabilin ang ilang panaghigalaay.

Nanghinaot usab sila nga padayon sila  nga suportahan sa ilang fans bisan pa man nga naputol na ang ilang relasyon.

“We agreed that going separate ways was best for both of us. We are in good terms and are still really good friends and will continue to work with each other especially when it comes to music.Thank you for all the JADINE FANS for their undying support and we hope you continue to support us now and in the future.”We shall forever be grateful to them for their love and understanding. Thank you,” tipik sa ilang official statement.

Kahinumdoman nga gisaway ni Nadine  kaniadto ang columnist  nga si Ricky Lo human kini nisaysay kalabot sa ilang breakup . Gihulagway sa netizens nga napalaw na karon si Nadine  gumikan kay tinoud ra gyud diay ang gisulti sa beteranong  kolumnista.

Samtang sa statement  ni Ricky   nga namantala sa  cnnphilippines.com, kagahapon , nagkanayon kini,  “I should thank James Reid and Nadine Lustre for confirming in a joint statement that they have broken up, exactly two weeks after I broke the story in my STAR column — that is, after Nadine denied it with impunity.”

Dunay nitumaw nga tsika nga  matud pa wala pa giangkon sa JaDine ang ilang breakup niadtong higayona gumikan kay duna pa sila’y commitment sa usa ka magazine  ug  nahitabo ang ilang pictorial sa Brazil.

Issa naamong sa isyu

Human  niulbo ang chika sa breakup sa JaDine, gisumsoman usab karon ang taho nga matud pa  dunay  third party  sa maong hitabo.

Ang  manghod   Yassi Pressman  nga si Issa  maoy  nitumaw nga pangalan  na matud pa nalambigit kang James.

Sa pagsuwat niining balitaan, tak-om lang si Issa sa maong isyu.

Alden maoy host sa Centerstage

Si  Alden Richards ang  main host sa bag-ong   reality musical game show sa GMA-7 nga  Centerstage.

Nasayran nga mga bata  ang  magsilbing contestants  sa  Centerstage .

“Na-excite ako dito kasi I want to learn from them as well, yung mga bata. That’s what I wanted to see now, parang how would I interact with these talented kids,” saysay pa niya ngadto sa GMA News.

Makauban ni Alden  sa maong show ang komedyanteng aktor nga si  Betong Sumaya .

Matud pa sa report, ang mga hurado niini mao sila si Aicelle Santos, Mel Villena, ug  Pops Fernandez.

“Mahirap siya, ha, kasi lahat ng tumatayo diyan sa stage, nangangarap na makilala bilang isang maawit, and for me, it’s very particular in choosing my words because you don’t want to discourage them,” matud pa ni Aicelle.

Samtang si Pops sa  iyang bahin, “I love kids, I love children. And siyempre, sa atin, lalong lalo na, hindi tayo nagpapahuling mga Pilipino when it comes to talent. Batang bata pa lang, nakikita na natin yung mga talents ng mga Pinoy, di ba? I’m excited to see the kids. I’m curious to see how good the turnout will be.”

Michelle motrabaho sa laing nasud

Gibutyag sa beauty queen nga si Michelle Dee nga mo-abroad  siya aron  ipadayon ang  iyang karera sa    pagka-modelo.

Ipadayon gihapon  niya ang iyang adbokasiya sa autism awareness busa plano niya nga mosalmot sa mga programa sa Autism Society Philippines karong tuiga.

Kahinumdoman nga si Michelle maoy pambato sa Pilipinas sa Miss World 2019  ug nalandig lang kini sa Top 12. 

Mga Artista nakugang sa breakup

Pipila usab ka celebrities ang nagoul  sa dihang niulbo ang report nga nagbuwag na sila si James Reid ug Nadine Lustre.

Nagoul  sa breakup sa JaDine mao sila si Robi Domingo, Bianca Gonzalez,  Iza Calzado, ug Jed Madela.

“Awww nalungkot ako when I saw the tweets about Jadine. Was always vocal about being a fan since OTWOL,” matud pa ni Jed.

Nakugang usab  maong balita ang direktor sa teleseryeng  “On the Wings of Love” nga si Direk Antoinette Jadaone.

Sharon nakabaton og head injury, mi-perform gihapon

Padayon nga ni-perform si Sharon Cuneta sa concert ni Odette Quesada sa milabay nga duha ka gabii didto sa kaulohan bisan pa man nga nakabaton kini og head injury.

Pipila ka oras, sa wala pa ang sound check sa maong concert,  nadakin-as si Sharon samtang siya nag-shower  ug naparok gyud ang iyang ulo .

Dali siya nga gitabang sa iyang bana nga si  Senator Kiko Pangilinan.

“I said while Kiko held me up na mahigpit ang kapit ko sa kanya na nanginginig pa, ‘I am not letting the devil take away any more joy from me. I am singing for Odette. Mamaya na ospital!,” suma pa sa singer.

Bisan paman nga naglabad na og maayo ang iyang ulo ,  nipadayon gyud si  Sharon sa pag- sound check.

Naabot siya sa venue nga nagdala og ice bag alang sa iyang ulo   ug maayo na lang gani nga dunay  medic nga naka-standby.

“I did a soundcheck and it was good...No one had a clue!” ,” matud pa niya.

Paghuman sa iyang  mga commitment  ,  gidala dayon si Sharon sa St Luke’s Medical Center ug gipaubos siya sa  CT scan kun diin nasuta nga duna siya  top layer fracture nga nahiagoman.

“I will do my God’s work as long as I can. Kahit naka-wheel chair pa basta makakakanta, magko-concert ako! I love you all,” panapos pa niya.

Janella ug Markus nagkahanap na?

Niulbo karon ang tsika nga matud pa nagtakilid karon ang relasyon nila ni Janella Salvador ug Markus Paterson.

Kini human nitumaw ang report nga  nagkasinabtanay na matud pa sila si Janella ug Joshua Garcia. Nagkasoud ang duha tungod sa teleseryeng The Kiler Bride.

Kahinumdoman nga sweet kaayo sila si Joshua ug Janella atol sa  thanksgiving party sa The Killer Bride.

Kanunay usab nga tupoon ni Maja Salvador sila si Janella ug Joshua. 

Night Shift manghadlok karon

Mapasigarbohong  gidalit sa  Viva Films ug  Alliud Entertainment ang unang kolaborasyon nila ni  direk Yam Laranas ug  Yam Concepcion sa horror movie nga “Night Shift”.

Ang istorya niini magtuyok sa  morge kung diin  ang karakter ni Yam nga ginganlan og  Jessie kay nagtrabaho isip  assistant sa usa ka  pathologist.

Dili hilig  motoo si  Jessie sa mga  makahibulongang hitabo , apan dunay higayon  nga nakurat siya human nakadungog siya og tingog gikan sa usa ka patay.

Sa iyang  Instagram post, gipadayag ni  Yam Concepcion ang iyang pagdayeg sa  mga tawo nga nagpaluyo sa  iyang  pelikula.

Mosikad na sa mga sinehan ang  Night Shift sugod karong adlawa, Enero 22, 2020.

Target ni Jodi

Nangaraan na sa showbiz  si Jodi Sta. Maria busa target usab niya nga mahatagan og  role   nga wala pa gyud nasuwayan niya sukad pa kaniadto.  Wala pa gud siya  kasuway nga salbahis ang iyang karakter.

Apil sa naapektohan

Pipila  ka mga artista ang naay  balay sa  Tagaytay City ug  naapektohan usab sa pagbuto sa  Taal Volcano.Dunay balay sa maong dapit sila si Willie Revillame, magtiayong  Gelli de Belen ug Ariel Rivera, ang pamilya nila ni Jolina Magdangal ug  pamilya ni Derek Ramsay.

Honeymoon time na

Inigkahuman sa sagunson nga mga concert ni  Aicelle Santos , ang honeymoon nila sa iyang bana nga si  Mark Zambrano maoy sunod niya nga atimanon.   Target sa magtiayon nga mag-honeymoon sa Japan.

Sharon mihilak

Emosyonal napud  si Sharon Cuneta sa dihang nilarga na og balik ang iyang anak nga si Frankie Pangilinan didto sa New York. Nasayran nga nagtungha si  Frankie sa maong dapit.

Amahan na

Usa na ka amahan  ang aktor nga si  Baron Geisler . Nanganak na  sa miaginga adlaw ang iyang asawa nga si  Jamie Evangelista.

Story of Yanxi

Molugwa na sa  ABS-CBN  karong  Enero 27 ang  Chinese Drama  nga Story of Yanxi Palace. Kahinumdoman nga napili kini nga Best Soap Opera sa Asian Academy Creative Awards niadtong  2019.

Billie mag-concert  sa nasud

Motikang sa Pilipinas ang sikat nga singer nga si  Billie Eilish alang sa iyang umaabot nga concert sa Mall of Asia Arena karong September 5, 2020. Tipik kini sa iyang  Where Do We Go? World Tour .

“Ang ‘Pilit Pa Rin’

Usa ka bag-ong awit ang gilusad  ni  Maria Laroco nga finalist sa “The X Factor UK” niadtong 2018.  Nag-ulohan kini og “Ang ‘Pilit Pa Rin’ nga gibase sa  life story sa  composer niini... Ang story po nito ay about sa ex niya na pilit pa rin niyang hindi makalimutan at binabalikan ang nakaraan nila,” matud pa niya.

2nd Edition na!

Subling mag-uban sa trabaho  sila si Sarah Geronimo , Lea Salonga, Apl.de.ap, ug Bamboo alang sa upcoming  ‘The Voice Teens’ 2nd Edition sa ABS-CBN. Nagpanikad na usab sila sa pag-discover  sa mga lig-ong mag-aawit sa nasud.

Motabang sa Taal Evacuees

Gikanselar ni Willie Revillame ang selebrasyon sa iyang birthday   gumikan kay  hatagan niya og pagtagad ang pagtabang sa Taal evacuees.  Matud pa sa TV host nga sila ang angayan  hatagan og atensyon karong panahona busa gipadaplin niya ang hugyaw nga selebrasyon sa iyang birthday.