Labella di kadawat sa aksyon sa PROBE
CEBU, Philippines — Dili madawat ni Cebu City Mayor Edgardo Labella ang lakang sa hepe sa Prevention, Restoration, Order, Beautification, and Enforcement batok sa iyang mga sakop nga nag-viral sa social media tungod sa pagdagmal sa usa ka orange fruit vendor.
Kini ang hinungdan nga ipatawag ni Labella ang pangulo sa PROBE Team nga si Raquel Arce kay matud pa “dili maantos” ug “dili madawat” ang iyang aksyon.
Gipasabot ni Labella nga ang pagtangtang sa maong mga kawani magdepende sa rekomendasyon sa City Legal Office nga nihimo sa imbestigasyon sa kaso.
Buot usab sutaon ni Labella ang pamaagi sa clearing operation diin ang mga baligya dili angay sakmiton.
Matud ni Arce nga ang maong vendor nadakpan lima ka higayon sa lainlaing mga lugar sama sa Sto. Niño, Manalili, daplin sa Carbon, ug kaduha duol sa Gaisano Main sa Colon.
Apan matud ni Labella nga dili kini mahimong rason nga dagmalan ang tawo sa sama nga pamaagi.
"Maayo man gani na kay wa na manulis, wala mamaligya og illegal drugs," sigun ni Labella.
Samtang nagkanayon ang chief investigator sa Commission on Human Rights 7, Leo Villarino, nga ang maong orange fruit vendor ilang tabangan nga mopasaka og kaso kung mopatim-aw sa ilang buhatan.
“Seguro atong lokal nga kagamhanan sa Siyudad sa Sugbo probably we can sit down with them to talk about unsa may makatarunganon, makatawhanon nga pamaagi pag-clear anang mga sidewalks. We are not saying that we are tolerating vendors using the sidewalk di gyud na siya dapat, this should not be exclusively use by vendors but at the same time dapat ato pud sabton nga kani sila namaligya so siguro atong mapangitaan paagi nga kanang ilang mga paninda it’s an invest coming from hard earn money,” matud ni Villarino. GMR (BANATNEWS)
- Latest
