Christian nalungkot sa x rating ng Metamorphosis
Naging kontrobersyal ang pelikulang Metamorphosis dahil nakatanggap ito ng X rating mula sa MTRCB o Movie and Television Review and Classification Board. Kalahok ang naturang pelikula sa Cinema One Originals Film Festival na napapanood na ngayon sa mga piling sinehan hanggang November 17.
Nagbigay ng reaksyon si Christian Bables tungkol sa nasabing insidente. Ikinalungkot daw ito ng premyadong aktor. “Kasi nabasa ko ‘yung plot ng movie and very promising siya eh. Wala pang gano’n, hindi pa nakukwento ‘yung kwento ng mga intersex. I think ‘yung mga ganitong klaseng kwento na hindi pa naikukuwento (sa mga manonood) ay deserve ng wider audience,” paliwanag ni Christian.
Mayroong maseselang eksena ang pelikula kaya una itong nabigyan ng X rating ng board members ng MTRCB. Pagkatapos nito ay kinailangang bawasan ang ilan pang mga eksena at muling ipinasuri na nakakuha naman ng R-16 rating sa MTRCB kaya ito naipalabas. “Personally, pasasalamatan ko ang MTRCB for reconsidering dahil I believe ‘yung mga ganitong klaseng istorya are worth telling. Hindi porke mayroong sensitive scenes ay bastos na. May mga scenes na sumasalamin sa totoong buhay, totoong kwento,” pagtatapos ng aktor.
BoybandPH bubuwagin na?!
May bulung-bulungan na mabubuwag na diumano ang BoybandPH na kinabibilangan nina Joao Constancia, Neil Murillo, Tristan Ramirez, Russell Reyes at Ford Valencia. Matatandaang nabuo ang nasabing grupo noong 2016 mula sa Pinoy Boyband Superstar at naging aktibo na sa pagkanta sa iba’t ibang programa. Agad namang nilinaw ni Joao ang isyu tungkol sa kanilang grupo. “Wala naman, those rumors, they’re not true. For now, we’re just I guess given the opportunity by the management to go solo muna. And explore ourselves which career paths we would take,” pagbabahagi ni Joao.
Abala ngayon ang binata sa pag-arte at maraming nakatakdang gawing acting projects sa mga susunod na buwan. “Music career, to be honest, right now I want to focus more on my acting career because this is where I want to go. This is where I see myself in the future. So dito muna ako magfo-focus,” giit niya.
Kabilang ngayon si Joao sa digital series na He’s Into Her na malapit na ring mapanood sa iWant. “I am super excited and blessed. It’s been a while since my last acting project. And I’m actually excited and re-pumped to start working on this. Other than He’s Into Her, I’am also doing another movie with a couple of big stars. It’s a small role but I’m starting somewhere with my first ever movie,” nakangiting pahayag ng binata. (Reports from JCC)
- Latest
