Maine ug daniel giplanohan

CEBU, Philippines – Target sa producer nga si Joed Serrano nga ipares sila si Maine Mendoza ug Daniel Padilla alang sa usa ka proyekto. Ang duha mahimong motugbang sa kalampusan  sa pelikula nila ni Alden Richards ug Kathryn Bernardo nga ‘Hello, Love, Goodbye’.

Train ang tema

Usa ka train-theme ang gipahigayon nga birthday party ni Toni Gonzaga ug Paul Soriano alang sa ilang anak nga si Seve. Nilugwa  sa maong party ang mga soud nga higala nila ni Toni ug Paul .

Gusto makatrabaho

Gusto nga makatrabaho ni Judy Ann Santos si Claudine Barretto. Matud pa ni Juday nga aduna unta silay proyekto kaniadto ni Claudine apan wala madayon. Nagmalaumon si Juday nga mahitabo ang iyang pangandoy.

Himoan og remake

Magbuhat og remake film si Mark Anthony Fernandez nga kanhi gibidahan sa iyang amahan nga si anhing  Rudy Fernandez. Target nga unahon pagama ni Mark mao ang mga pelikula nga ‘Lumuhod Ka Sa Lupa’ ug ang ‘May Markang Bungo’.

Gipahimangnuan si Ion

Gipahimangnuan ni Jhong Hilario ug Vhong Navarro si Ion Perez nga ampingan gyud si Vice Ganda. Gipaagi og binuang ang pahimangno apan seryoso gyud kini nga miingon ngadto kang Ion. Si Ion ug si Vice dunay relasyon karon.

Second choice lang

Gibutyag ni Maja Salvador nga dili gyud siya ang unang gipili nga bida sa ‘The Killer Bride’. Wala gibutyag ni Maja kun kinsa nga aktres ang unang gitanyagan  sa maong serye.Matud pa niya nga bag-o lang nanganak ang maong  aktres ug  gusto nga tutukan ang anak niini.

Wala maglive-in

Gihimakak ni Vice Ganda ang tsika nga naglive-in na sila ni Ion Perez. Matud pa ni Vice nga wala mahitabo nga naglive-in silang duha. “Aamin? Definitely, walang mangyayaring ganyan”, pagklaro ni Vice.

Duha ka pelikula

Nagsunod-sunod gyud ang grasya nga nadawat karon ni Kim Molina karong tuiga. Matud pa ni Kim nga karon nga napagawas na ang iyang gibidahan nga ‘Jowable’, aduna na sab siya’y gilihok nga mga proyekto karon. Duha ka mga proyekto ang iyang gitrabaho karon ug nag-ulohan kini og ‘Tililing’ ug ‘Ang Babaeng Walang Pakiramdam’.

Mabagal cover

Nagpagawas og Korean-Tagalog cover song sila si Kristel Fulgar ug Yohan Hwang. Nag-ulohan kini og ‘Mabagal’ nga gipasikat nila ni Moira dela Torre ug Daniel Padilla.

Naka-adjust ra

Gikalipay pag-ayo ni Roderick Paulate nga nakabalik na siya sa limelight pinaagi sa  comedy series nga ‘One of the Baes’. Matud pa niya nga wala ra siya’y problema nga makatrabaho ang mga artista sa  bag-ong henerasyon . “Nag-adjust din in terms tinitignan mo kung ano na ‘yong psyche ng mga millennials or ng mga artista ngayon. Pero wala eh, wala akong nakitang problema. Sabi ko lang siguro ang i-de-develop lang namin ‘yong mga relationships namin”, suma pa ni Roderick.

Culion

Tsika pa ni  Jasmine Curtis nga nindot gyud ang dagan sa istorya sa pelikula niya nga ‘Culion’. Ang maong pelikula nagtuki sa gipang-agian sa  usa ka masakitong babaye.