Bb. Cebu Na!

CEBU, Philippines — Nikisaw na ang usa sa mga  gikahinaman nga indigay sa kababayenhan matag tuig dinhi sa Sugbo  nga mao ang Binibining Cebu.

Karong tuiga, 54 ka mga kandidata na sab ang magtigi alang sa lima ka mga korona ug titulo nga mao ang Binibining Cebu-Ecology 2019, Binibinig Cebu-Heritage 2019, Binibining Cebu-Charity 2019, Binibining Cebu-Tourism 2019 ug ang Binibining Cebu 2019.

Gilangkuban ang mga kandidata karong tuiga sa mga bag-ong dagway ingon man mga beterana.

Ang mga kandidata mao sila si Lorieche Galariana (Alcantara), Jackelane Fleming (Alcoy), Kate Kiunisala (Alegria), Jele Caballero (Aloguisan), Triesha Omega (Argao), Patricia Gabaca (Asturias), Karena Sabelino (Badian), Alliyah Lapuz (Balamban), Juvel Ducay (Bantayan), Marchel Magaspi (Barili), Dwayne Mongcopa (Bogo), Jennibeth Delfin (Boljoon), Ciairha Monsanto (Borbon), Marla Alforque (Carcar City), Dannika Ocampo (Carmen), Ypril Procorato (Catmon), Betty Davis (Cebu City North), Adriana Gravador (Cebu City South), Jullianne Cabanog (Compostela), Shara Servande (Consolacion), Ameena Allababidi (Cordova), Aubrey Ynot (Daanbantayan), Amanda Basnillo (Dalaguete), Frances Pino (Danao City), Reina Tavera (Dumanjug), Princess Paraiso (Ginatilan), Chloe Boone (Lapu Lapu City), Guia Moreno (Liloan), Jessa Mangubat (Madridejos),  ug Stephanie Alano (Malabuyoc).

Apil usab sila si Ena Velasco (Mandaue City), Blanche Comecilla (Medellin), Angelica Pantalliano (Minglanilla), Iza Latonio (Moalboal), Victoria Ingram (Naga City), Dorothy Magday (Oslob), Marjorie Campoamor (Pilar, Camotes), Sofia Cairo (Pinamungahan), Maria Loayon (Poro, Camotes), Sharon Angel (Ronda), Nica Yabo (Samboan), Beatrice Gomez (San Fernando), Mhon Menaling (San Francisco, Camotes), Julya Basubas (San Remigio), Christine Gallego (Santa Fe), Jocelyn Bula (Santander), Mary Ann Alvarado (Sibonga), Rose Bantecil (Sogod), Reisha Tan (Tabogon), Claire Casquejo (Tabuelan), Karla Lasquite (Talisay City), Kathlyn Lawig (Toledo City), Catherine Encabo (Tuburan), ug Pearl Gutierrez (Tudela).

Pormal nga gipaila ang mga kandidata atol sa press presentation niadtong Miyerkules sa SM Seaside Mountain Wing  ug tataw nga nilutaw gyud ang ilang kaanyag.   Nailhan ang mga Cebuana nga ‘palaban’ ug duna gyu’y   dakong ikabuga kun hisgotan na ang kaanyag ingon man usab ang pagka-utokan.

Si DZMM anchor ug aktor nga si Ahwel Paz mao ang magsilbing overall director karong tuiga.

Alang kaniya ,  ang Cebu maoy  nagsilbi nga ikaduha niya nga pinuy-anan  kun diin andam siya nga mosilbi sa kun unsa nga paagi nga iyang mabuhat.

Ang konsepto nga iyang nahunahunaan mao ang mga butang nga makatabang sa katilingban ug pinaagi sa Binibining Cebu, makahimo kini og tulay aron nga makahatag  og kalambuan sa atong nasud.

Buot niya nga pinaagi sa mga kandidata, makat-on kini kun unsa ang angay nga buhatunon aron nga makatabang og pagresolba sa mga problema nga giatubang sa atong katilingban.

Sa laing bahin, ang pangulo sa Sandiego Dance Company nga si Val Sandiego mao ang molihok isip production manager ug choreographer.

Alang kang Val nga dako kini nga oportunidad nga mahimong kabahin ang iyang hugpong sa dakong kalikuhan nga gimugna sa SHS Batch 85.

Nasayran nga popular kaayo ang Sandiego sa natad sa pagsayaw ilabi na kun magtuki og kasaysayan dinhi sa Sugbo.

Magpabilin nga creative producer ang negosyante nga si Kenneth Cobonpue .

Sama sa naandan. mga hugyaw nga production number usab ang idalit sa maong kalihokan.

100K for promotional video

Samtang gitin-aw ni Cobonpue ang mitumaw nga matud pa nga ang matag munisipalidad kinahanglan motampo og P100, 000.

Giklaro niya nga dili kini pugsanay gumikan kay ang maong dako nga kantidad magsilbi nga bayad sa tanang gikinahanglan sa mga kandidata ilabi na ang mga sinina nga pangsul-ubon, make up ug ang paggama sa mga video kun diin ipasigarbo niini ang kaanindot sa ilang dapit.

“This is the only pageant where the candidates are provided everything. There is no other pageant such us this wherein you only provide makeup and show yourself. Everything is free. We only have videos to promote each municipality and these videos are very expensive. The one hundred thousand will not go to us but it will be for the videos and for the candidates”, suma pa ni Cobonpue.

Karon ang ikatulo nga edisyon sa maong prestihisyong indigay. Ang mga mahitabong pre-pageant activities mao ang swimwear ug long Gown competition mosikad karong  Oktubre 15 didto sa Mandani Bay.

Ang pre-pageant interview mahitabo karong Nobyembre 10 sa Oakridge Business Park.

Ang koronasyon mahitabo karong Nobyembre 15, 2019 sa Pacific Grand Ballroom, Waterfront Hotel and Casino Cebu City.

Gawas sa pag-abag og ideya sa pagpalambo sa nasud,  mahimo usab nga taytatan ang Bb.Cebu sa pag-ugmad sa turismo  sa nagkadaiyang dapit sa Sugbo.

Nailhan ang Cebu nga duna’y  nagkadaiyang hugyaw nga  spots  hinungdan nga magbaha gyud ang mga turista nga mobisita niini.

Usa pud sa kalidad sa mga Sugbuanon nga kanunay nga molutaw mao ang pagka-maabi-abihon niini ngadto sa mga bisita.