Wala’y record sa DSWD

CEBU, Philippines – Nipagawas og taho  ang  Cabinet Files sa PEP nga wala’y record sa Department of Social Welfare and Development (DSWD) ang pagsagop ni  Claudine Barretto og duha ka mga bata nga sila si  Noah Joaquin ug  Quia.

Matud pa nga ang laing sinagop ni Claudine nga si Sabina mao ra’y nakalista sa DSWD.

Kahinumdoman nga malipayong gipaila ni Claudine  sa miaging adlaw ang bag-o niya nga sinagop. Sa pagsuwat niining balitaa, wala pa mohatag og komento si Claudine kalabot niini.

Coleen ug iyang “Mini-Me” nag-abot

Nahimamat na gyud ni Coleen Garcia  ang iyang ka-lookalike  nga  si Makayla Galindo atol sa pagtikang niya sa  Los Angeles, California dili pa lang dugay.

Kasamtangang nibakasyon si Coleen sa maong dapit kauban ang iyang bana nga si Billy Crawford.

Matud pa nga lima ka tuig na ang komunikasyon nila sa usag-usa.

“Back when we had the ‘Mini-Me’ segment on ‘It’s Showtime’, a lot of you guys tagged me on the comments and photos of this adorable little girl who kind of resembled me, and you guys labeled her as my ‘mini-me’. I found her soooo adorable, especially when she would recreate my OOTD photos. TOO CUTE!,” suma sa IG post ni Coleen.

Gihatagan si  Coleen ni   Makayla og  “Soul Sister” bracelet.

“I’m happy I finally got to meet you, [Makayla]! You, your mom, and your little sister are so sweet. Really looking forward to seeing you here in the Philippines soon. Thank you for the friendship bracelet,” dugang pa niya.

Mag-abot gyud

Nakuryuso  ang mga tsismosa  kun unsa kaha ang bation ni  Bea Alonzo  kun makakita nila ni  Julia Barretto  ug  Gerald Anderson sa umaabot nga  ABS-CBN Ball .  Wala pa gyud nahimamat og balik ni Bea  si Gerald sukad sila nagbuwag. Una na nga gipadayag ni Bea nga si Gerald ang kalit namiya kaniya.

Target ni Ben 

Gipangandoy sa miyembro sa ’90s boy band nga A1  nga si Ben Adams nga maka-duet puhon  ang Pinay singer nga si Sarah Geronimo.  Suma pa nga gitan-aw  gyud ni Ben ang mga video ni Sarah sa internet.

Mitin-aw sa isyu

Nihatag og katin-awan  si Alex Gonzaga kalabot sa isyu nga iyang giatubang  nga matud pa wala siya musunod sa linya sa Immigration sa miaging adlaw. Suma pa ni  Alex nga gikuyogan lang niya ang iyang  parents sa   senior citizen lane .  

Masakitan gihapon

Giangkon ni  JM de Guzman  nga masakitan gyud siya kun dunay motawag kaniya og adik    Kahinumdoman nga hagbay ra nga nagbag-o  si  JM .Dili na matud pa angay hisgotan ang iyang kagahapon.

Gidumogan si Alden

Nakabaton og  problema ang production staff sa The Gift sa GMA-7 gumikan kay naglisod  sila og buhat sa mga eksena sa Divisoria   gumikan sa kadaghang tawo nga fans sa bida sa maong teleserye nga si Alden Richards.

Gigamit sa pagpangilad 

Wala mahimout si Ivana Alawi gumikan kay gigamit ang iyang hulagway sa usa ka website  nga nagtanyag og escort service.  Panawagan niya ngadto sa iyang fans nga dili  angayan touhan ang maong site.

Tambag  ni Bea

Gitambagan ni Bea Alonzo ang bag-o niya nga higala kauban sa umaabot niya nga teleserye nga si  Christian Bables. Magtira ka ng pagmamahal para sa sarili mo,” suma pa niya.

Mensahe alang sa bashers

Nipadangat og mensahe   si Ion Perez  ngadto sa iyang  bashers nga unta  dili damayon  ang iyang pamilya. Gitambagan niya kini  nga labing maayo mo-focus sila sa ilang kinabuhi  ug dili manghilabot  sa laing tawo.

Baby shower

Gisurpresa  nila ni Robin ug Mariel Padilla  ang aktres nga si  Kylie Padilla .  Nag-organize ang magtiayon og baby shower alang kang Kylie kinsa nagsabak alang sa ikaduhang anak nila ni Aljur Abrenica.