Nag-shoot na?

CEBU, Philippines – Spotted si John Lloyd Cruz nga milugwa sa  set sa usa ka pelikula nga kasamtangang gigama. Abtik gyud ang netizens nga nakakuha og hulagway ug gi-post kini sa social media. Wala pa mitingog ang aktor kabahin sa maong taho  apan tataw nga nag-shoot kini sa usa sa mga eksena kun diin usa siya ka puppeteer.

Jowable

Gipagawas na ang unang teaser sa pelikula nga ‘Jowable’. Bidahan kini ni Kim Molina. Ang target date sa pagpagawas niini mahitabo karong Setyembre 25, 2019

Aktibo gihapon

Walay pahuway sa pag-workout ang aktres nga si Solenn Heussaff bisan og nagsabak siya karon. Gawas sa pag-workout, nag-yoga ug nag-swimming pud siya. Matud pa ni Solenn nga nagpakonsulta siya sa doktor usa kini niya nga gibuhat aron dili makabaton og depekto ang iyang anak.

Pasok si Anne

Gawas ni Regine Velasquez, molugwa usab si Anne Curtis sa pelikula ni Sarah Geronimo nga ‘Unforgettable’. Usa ka veterinarian ang special role  ni Anne sa maong pelikula.

Pahuwas  sa problema

Tutok karon sa trabaho si Heaven Peralejo. Kabahin siya sa umaabot nga teleserye  ni Judy Ann Santos nga ‘Starla. Matud pa sa aktres nga mas maayo kini nga buhaton aron nga makalimot siya sa iyang problema.

4m followers na

Miabot na sa upat ka milyon ang followers ni Maymay Entrata sa Instagram. Dili na gyud kapugngan ang kasikat sa young star human nga midaog sa Pinoy Big Brother Season 7.

Dawn mibiya na

Gikumpirma ni Dawn Chang nga nibiya na siya sa GirlTrends. Tulo ka tuig siya nga miyembro  sa  maong grupo kun diin siya sab ang mibarog isip leader niini. “I’ve been dancing for 17 years now and being a performer is a huge, huge responsibility. I am supposed to share my talent and entertain. I am supposed to give an enjoyable and memorable experience to the audience. And I feel that I am not able  to fulfill those treaties and responsibilities as a performer when I am with GT”, pagpasabot pa ni Dawn.

Mobalik sa gabii

Makita na pagbalik sa primetime series si Yasmien Kurdi human sa lima ka tuig nga naa sa laing timeslot sa gilangkoban niya nga mga teleserye. Matud pa ni Yasmien nga mura siya og  mibalhin og laing department human nga nakabalik sa timeslot nga makita matag gabii. Bida si Yasmien sa ‘Beautiful Justice’ kun diin makauban niya sila si  Gabbi Garcia ug Bea Binene.

Wala nahuman

Gipasabot ni Jolina Magdangal kun nganong dili madayon ang comeback movie nilang duha ni Marvin Agustin. Matud pa ni Jolina nga wala pa nahuman ang script. Target unta sa duha nga ipagawas kini sa MMFF 2019.

Gitugyan sa ginoo

Gitugyan nalang tanan ni Bea Alonzo ngadto sa Ginoo ang iyang mga kasakit nga iyang gihambin karon . Usa sa init nga  isyu nga iyang giatubang mao ang breakup nila ni  Gerald Anderson.