Zephanie nakadaog sa “Idol Philippines”

CEBU, Philippines — Ang teen singer   nga si  Zephanie Dimaranan maoy labing una nga grand winner sa  “Idol Philippines” ug nakadawat siya og 100% nga grado gikan sa mga hurado ug audience.

Si Lucas Garcia maoy nahimutang sa ikaduhang puwesto (70.2 %), samtang nalandig sa ikatulong puwesto si  Lance Busa ( 41.89 %).

Ang  grand finals  nahitabo niadtong Domingo sa gabii.

Sa wala pa siya nisalmot sa  “Idol Philippines”,  nakasalmot  na si Zephanie kaniadto sa  “The Voice Kids” ug “Tawag ng Tanghalan.”

Ang mga hurado sa Idol Philippines  naglangkob nila ni  Moira dela Torre, Vice Ganda, James Reid ug  Regine Velasquez.