Mabungahon nga kinabuhi

CEBU, Philippines – Naghatag og update si Julia Barretto kabahin sa dagan sa iyang kinabuhi karon. Matud pa ni Julia nga mobalhin na siya sa iyang bag-ong balay nga iyang  gipatukod. Dugang pa nga aduna sab siya’y sudlon nga negosyo. Maingon nga mabungahon gyud ang kinabuhi karon sa aktres gumikan kay aduna sab siya’y umaabot nga pelikula.

Fashion

Gihulagway ni 2019 Miss Universe – Philippines Gazini Ganados ang iyang legs up trending photo kun diin mao kini ang gikagubtan sa mga pageant enthusiasts karon. Simple ug makahuluganon ang usa sa pulong nga gibuhian ni Gazini niini ug mao kini ang ‘fashion’.

Ang gilikayan

Todo pangandam na gyud sila si  Sarah Lahbati ug Richard Gutierrez alang sa ilang kasal sunod tuig. Matud pa ni Sarah nga nasabutan na nila ni Richard nga walay mga dagko nga mga buwak sa ilang reception table. “We always go to weddings and parties and one thing we noticed is, when there’s a long table and there’s big flowers or big lights or stuff in front of you, you can’t see the person. We want to avoid that”, suma pa ni Sarah.

Mobisita sa sugbo

Mobisita diri sa Sugbo ang mga bida sa family drama movie nga ‘Family History’ nga sila si Dawn Zulueta ug Michael V. Mahitabo ang ilang pagbisita karong Biyernes Hulyo 19. Mopahigayon sila og grand mall show alang sa ilang mga fans ug tipik kini sa promosyon sa  ilang pelikula.

Mobalik sa pelikula

Andam si Herbert Bautista nga makauban sa usa ka pelikula si Kris Aquino. Gisaysay pa niya pinaagi sa usa ka komedya nga dili siya magdumili modawat niini gumikan kay kinahanglan sab niya og trabaho. Sa pagkakaron, kasado na siya sa usa ka umaabot nga pelikula .  Dili pa modetalye si Herbert kabahin niini aron dili na kini masuhong.

Kontento ra

Kontento ra si Kit Thompson nga wala siya’y permanente nga ka-love team. “I’m happy with this. I’m happy being partnered with different people, because it gives me more chances of trying different roles than just being with one person for the next five years”, suma pa ni Kit.

I-ampo na lang

Aduna na’y ikabalos si Ylona Garcia sa mga tawo nga nagpunay og pagpangdaot niya sa social media. “Maybe they’re the ones who need the help, maybe they’re the ones that need the most attention because there’s something wrong with their brains. Just pray for them. Pray for their souls”, suma pa ni Ylona.

Idol si Bitoy

Giangkon ni Bianca Umali nga giidolo gyud niya ang komedyante nga si Michael V. Matud pa ni Bianca nga bata pa lang siya, atangan gyud niya ang komedyante sa telebisyon gumikan kay kanunay gyud siya nga magbuhakhak sa mga komedya nga buhian niini.

Dili bitbiton

Dili bitbiton ni Sunshine Cruz ang iyang boyfriend nga si Macky Mathay sa Gala Night sa iyang bidahan nga pelikula nga ‘Malamaya’. He’s all out support naman sa akin. Papanuorin namin pero huwag na lang sa gala night. Kasi imbis na panuorin niyo titingnan niyo reaction niya di ba? So gusto ko ma-appreciate niyo yung film, hindi yung magiging reaction ni Macky. Huwag na lang. And he understands,” matud pa ni Sunshine.

Adunahan si Neil

Gitataw  sa suod nga higala ni Neil Arce nga dili magpabutyag sa iyang pangalan nga wala malubong sa utang ang producer. Matud pa sa suod nga higala niini nga adunahan gyud ang pamilya ni Neil mao nga bisan og mag-flop ang mga pelikula niini, padayon kini nga mag-produce og mga pelikula.