Richard sa kadenang ginto

CEBU, Philippines — Makita na pagbalik sa telebisyon si Richard Yap gumikan kay lakip siya sa ikatulong hugna sa top-rating series nga ‘Kadenang Ginto’. Siya ang modala sa karakter isip si Leon nga business partner ni Romina nga gidala ni Beauty Gonzales.

Jema lang?

Gibutyag nila ni Joshua Garcia ug Julia Barretto nga mibalik na sila isip ‘best of friends’. Gitataw nila ang estado sa ilang relasyon nga matud pa nga buwag na silang duha. “Hindi totoo yun. May pinagdaanan lang kami”, suma pa ni Joshua.

Hatagan og importansiya

Gisaysay ni Aaron Villaflor nga dili angayan nga yagayagaan ang mga gitanyag nga mga ginagmay nga role. Matud pa niya nga kinahanglan gyud kini hatagan og importansiya bisan og dili kini kanunay nga molugwa sa mga eksena.

Magpares og balik 

Mobalik sa pagbida sa serye ang gimahal nga Kapuso tandem nga ‘BOBREY’ o Boyet-Aubrey nga gidala nil ni Ken Chan ug Rita Daniela sa serye nga ‘My Special Tatay’. Gani, makita puhon sa ang ilang teleserye nga bidahan kun diin usa kini ka romantic comedy nga gihatod alang sa tanan gikan sa GMA News and Public Affairs. Matud pa sa duha nga ang ilang role niini mao ang usa ka manag-uyab kun diin daghang mga millennial ang maka-relate.

Napundar ni boy

Daghan na gyud og napundar ang celebrity chef nga si Boy Logro. Sa tumang pagkugi niya, nakapatukod na siya og mga restaurant, eskwelahan, kooperatiba ug uban pa. Sa iyang gitukod nga skwelahan, tulo niini ang mga culinary school kun diin siya mismo ang nagmaneho sa pagtudlo sa mga gusto nga mosunod kaniya.

Dako og kausaban

Duha ka tuig na ang milabay sa dihang mibalhin si Leila Alcasid nga anak ni Ogie Alcasid dinhi sa Manila. Matud pa ni Leila nga dako gyud og kausaban ang iyang kinabuhi sukad sa iyang pagbalhin. “Probably one big aspect is being in the public eye. Because I grew up in a very small town, a very quiet life, I just went to school and everything was normal. And then coming here the biggest adjustment was especially on social media there was a lot of people watching closely what you do”, suma pa ni Leila.

Family project

Nagpatukod og bag-ong balay si Aga Muhlach. Gani, ang nakahugyaw niini mao ang iyang mga anak nga sila si Andres ug Atasha nga  nagsilbing  project collaborators niini. Matud pa ni Aga nga gitawag nila kini ogh  family project.

Mitahod  sa LGBTQI

Full support gyud ang pipila ka mga Kapamilya stars sa selebrasyon sa Pride Month. Karong buwana gisaulog sa LGBTQI community ang gender equality. Pipila sa mga mihatag og pagtahod sa maong hugpong mao sila si K Brosas, Angelica Panganiban, Elisse Joson, Jameson Blake, Jaya, Regine Velasquez-Alcasid, Nadine Lustre ug James Reid.

Aprubado ang lovelife

Aprubado ug suportado ni Angelina Cruz ang relasyon sa iyang inahan nga si Sunshine Cruz ngadto kang Macky Mathay. Matud pa ni Angelina nga dakong kalipay niya nga malipayon kanunay ang iyang inahan tungod sa kalipay nga gihatag sa iyang boyfriend. “So if I know that he inspires my mom to be her very best, then there’s nothing wrong with that”, suma pa ni Angelina.

Sundan og proyekto

Human  sa pagbida nila ni CK ug Vivoree Esclito kagahapon sa ‘Maalaala Mo Kaya’, gipahibalo nila nga dili lang didto matapos ang ilang proyekto nga sila ang magkauban gumikan kay gihikay na karon ang sunod nila nga  proyekto . Matud pa sa duha nga angayan pa nga atangan ang ilang tandem puhon. –Preciosa L. Bacalso

Imago nabanhaw

Nagmaya ang fans sa bandang Imago gumikan kay nibalik sa industriya   ang ilang idolo  nga maoy nagpasikat sa awit nga Akap, Ewan, Sundo   ug uban pa.

Ang maong  grupo gilangkoban nila ni  Kiara San Luis (vocals), Myrene “Maps” Academia (bass), Tim Cacho (guitar), Zach Lucero (guitars), ug Mervin Panganiban (drums).

Dili na si Aia de Leon ang ilang bokalista  sanglit taod-taod na kini nga nag-solo hinungdan nga nakasulod si Kiara sa maong grupo.

Nasayran nga gimingaw na og maayo ang ilang fans sa estilo sa ilang mga kanta.