Magbinuotan

CEBU, Philippines – Bisan og wala nakadaog  si Rich Asuncion sa iyang batch sa  Starstruck kaniadto, matud pa niya nga dili sukaran ang kapakyasan aron dili siya molahutay sa showbiz. Gani aduna siya’y gibilin nga mensahe nga angay nga mahibaw-an sa mga hopefuls. “Basta magpakabait lang sa taping, huwag maging pasaway, at saka, siyempre, gawin mo pa rin ang best mo”, suma pa ni Rich.

Mensahe alang sa amahan

Mipaabot og mensahe ang Miss Universe Philippines nga si Gazini Ganados alang ngadto sa iyang Palestinian nga amahan nga wala gyud niya mahimamat. Matud pa niya nga nagtubo siya nga walay giila nga amahan ug ang iyang inahan lang mao ang mibuhi ug mipadako kaniya. “To my dad, or to my papa who I never met. Hoping to meet you someday. And I never had a grudge of how and why I didn’t have a dad, because everything happens for a reason. Ayun, I hope to meet you someday”, mensahe pa ni Gazini.

Agad-agad

Diretso gyud sa pagama  og intimate scenes sila si Andrea Torres ug Derek Ramsey sa unang adlaw sa ilang taping sa Kapuso series  nga ‘The Better Woman’. Ingon nga nakugang ang duha sa dihang nasayran nila ang ilang unang eksena.

Hanggang kailan kaya

Gipadungog na sa Boyband PH ang ilang bag-ong single kagahapon sa ‘Umagang Kay Ganda’. Nag-ulohan ang ilang awit og ‘Hanggang Kailan Kaya’. Matud pa sa grupo nga ang maong awit gipahinungod nila sa mga tawo nga naghuwat nga sugton sa ilang gidiskartehan.

Engaged na?

Gituohan karon sa netizens nga engaged na sila si Sam Pinto ug ang basketball player nga si Anthony Semerad tungod sa gi-post ni Sam sa iyang account kun diin sweet kaayo sila.  Aduna usab kini kapsyon nga “I am all yours. No refunds”  nga adunay heart, diamond ring ug lock nga emoji.

Nakalangkat og nominasyon

Nominado ang komedyante nga si Pokwang isip Best Actress sa Malaysian Golden Global Awards human nga mibida sa pelikula nga ‘Oda sa Wala’. Gawas ni Pokwang, nominado sab ang iyang co-star nga si Joonee Gamboa isip Best Supporting Actor. Nominado sab ang maong pelikula sa Best Picture category .

Esklusibo kang catriona

Walay plano ang Filipino designer nga si Mak Tumang nga i-replicate ang mga gown nga gimugna niya alang kang Miss Universe 2018 Catriona Gray. ‘Kasi very iconic so kailangan si Catriona (Gray) lang yung may suot”, suma pa ni Mak.

Nagsugod na og trabaho

Gawas nga usa ka host, mentor na usab ang role ni Morissette Amon sa singing competition nga ‘Asian Dream’. Gisugdan na ni Morissette ang ilang taping alang sa maong show. Makauban niya ang  international singer ug composer nga si Michael Bolton.

Na-speechless

Gisaysay ni Tommy Esguerra nga wala gyud siya makatingog sa dihang nahimamat niya sa unang higayon ang bida sa ‘The Crown Princess’ nga si Urassaya Sperbund. Matud pa ni Tommy nga mao kini ang iyang celebrity crush ug gisunod gyud kini niya sa Instagram.

Doktor na

Usa na ka doktor ang kanhi teen star nga si Angeli Gonzales. Nakahuman siya og tungha sa  De La Salle Medical and Health Sciences Institute. Aduna sab siya’y nadawat nga awards nga Outstanding Clinical Clerk, Family and Community Medicine ug Special Citation for Academic Excellence. Si Angeli kabahi kaniadto sa sitcom nga ‘Luv U’ kauban sila si Miles Ocampo ug Marco Gumabao.