Derek ug Joanne nagbuwag

CEBU, Philippines – Giangkon ni Derek Ramsay nga nagbuwag na sila sa iyang longtime girlfriend nga si  Joanne Villablanca.

Suma pa sa aktor nga alang ra usab sa ilang kaayohan ang ilang nakab-ot nga hukom.

Matud pa ni Derek nga dili na kinahanglan nga iyaha pa nga idetalye ang rason sa ilang breakup.

Niabot og unom ka tuig ang ilang relasyon busa nakugang pag-ayo ang fans sa aktor sa maong balita.

Nilenggua pa kaniadto   si  Derek nga si Joanne ra gyud ang babaye nga makauban niya hangtud sa iyang pagkatiguwang.   

Nagmalaumon nga mo-click

Nagmalaumon sila si Joshua Garcia ug  Janella Salvador nga dawaton sa publiko ang ilang tandem sa  upcoming series sa ABS-CBN nga The Killer Bride kun diin makauban nila si Maja Salvador.

 Usa ka dakong eksperimento ang pagpares nila ni  Janella ug Joshua sa labing unang higayon.

 Naandan sa katawhan nga si Julia Baretto maoy kapares ni Joshua permi  sa  nangagi niya nga mga proyekto.

Relasyon giputol

Gikatahong giputol  na nila ni  Bradley Cooper ug sa supermodel nga si  Irina Shayk  ang   upat ka tuig  na nila nga relasyon.

Sa nigawas nga report,   ilaha na karon nga giasikaso  ang mahimo nila nga arrangement sa kustodiya sa ilang dos anyos nga anak nga babaye.

   Matud pa nga  gisuwayan gyud nila og sulbad ang ilang problema aron dili maapektohan ang ilang anak apan wala kini mosaler.   

David gilabhan og intriga

Hugtanong gihimakak   ni David Licauco ang nitumaw nga isyu nga matud pa duna siya’y  law-ay nga gibuhat kauban sila si Enzo Pineda ug Teejay Marquez  sa ka out of town shooting.

Dunay higayon nga nipatol siya sa maong isyu apan nakahuna-huna siya nga dili na kini angayan tagdon .

“Ayoko nang maglagay ng negativity sa buhay ko.So, kumbaga, kung gusto nila akong siraan, gusto nila akong magkaroon ng content na ganoon, nasa kanila na yun.Basta as long as alam ko sa sarili ko na I’m not like that, I’m not capable of doing that, I was raised well by my family,” suma pa ni David.

Padayon ang hearing

Padayon ang pagdungog sa  tax fraud case sa  singer nga si Shakira nga gisang-at sa Esplugues de Llobregat court sa  Barcelona.

Nasayran nga sa maong dapit na nagbase  sila si  Shakira  ug ang iyang  partner nga si Gerard Pique.

Giimbestigar ang singer  tungod sa akusasyon nga matud pa wala siya mobayad sa iyang buwis gikan 2011 hangtud 2014.