Attitude nga Event Host
Happy Sunday mga BisChikadora! Napuno sa kalipay ang akong kasingkasing kay sa makausa pa nahimo kitang kabahin sa bag -o lang nahuman nga Grand Distribution sa WheelChair kauban ang GMAKapusoFoundation inubanan sa Vicente Sotto Medical Center, Latter Days Saint ug sa dakong tabang sa LGU Minglanilla, BCLP Minglanilla Chapter, Eleno T. Ong ug Angeline S. Alpuerto.
Sayo pa lang sa buntag ,naa na ang mga recipient kauban ang ilang mga minahal sa kinabuhi sa Minglanilla Sports Complex para andam na silang modawat sa brand new wheel chair nga gikan pa kini sa gawas sa nasod. Dili lang kini basta wheel chair, personalized pa gyud meaning ila kining sukod gyud!
Usa ka ginikanan akong gipangutana kun unsa iyang gibati nga naa na’y wheel chair, halos nakahilak kini sa kalipay.
Sigon pa ni Mam Amabelle, ang GMAKF Regional Coordinator Cebu, daghan pa kaayo ang gusto makabaton sa wheel chair ,pwede sila moadto sa Vicente Sotto Medical Center para ma schedule o moadto sa GMA- Cebu. Basta okey ang akong schedule naa rako mo- host sa event sa GMAKF kay para nako usa pud kini ka pasalamat sa Kahitas-an sa talento nga iyang gihatag!
Sa laing bahin, para sa atong Kinsa Siyaaa?
Mga ka-bischika, ikils kaayo kining usa ka male event host nga matud pa wala motiwas sa iyang raket kay nilayat sa laing raket. Sa usa ka dakong kalihokan sa mga kabatan-onan nga gipahigayon dinhi sa Sugbo, siya ang gikuha nga host sa usa ka opening ceremony ug paresan siya og babaye. Sa pre-program kay naa pa ang maong male event host. Apan pag-abot sa proper program, ang babaye nalang ang naa sa stage ug wala na si Mr. Attitude host. Kataw-anan pa gyud kaayo, wala seguro ma-inform ang voice over talent nga nilakaw na ang male event host. Best in introduce pa ang voice over sa duha ka hosts, pero ang nisaka sa stage kay ang girl na lang. Suma pa sa atong tinubdan, nilakaw daw ang male event host kay dunay laing tekar. Paeta uy, giingnan na baya siya sa oras sa program, nganong nidawat pa siya og laing raket? Mao na diha. Ang pangalan sa host kay susama og pangalan sa usa ka sikat nga male singer.
- Latest
