Matteo nahugyaw sa MMDA
CEBU, Philippines – Nakadawat si Matteo Guidicelli og ticket gikan sa Metro Manila Development Authority (MMDA) human nakamugna og traffic violation ang iyang driver.
Nakadayeg si Matteo sa MMDA gumikan sa maayong pagdumala niini ilabi na sa paghatod og ticket ngadto sa iyang balay.
“Today I got a mail from MMDA. It’s kinda my driver’s fault but I am very, very impressed that I got a ticket right here from the MMDA because my van crossed the yellow lane into the bus lane. I have to pay 650 pesos,” suma pa ni Matteo nga naka-post sa iyang IG story.
Suma pa niya nga nagamit sa MMDA ang teknolohiya sa pagdala niini sa ticketing system.
“I am very, very impressed that MMDA has this and everything is going digital. People can actually get caught and you guys would be sent your ticket at home so this is really cool, congratulations MMDA, awesome,” dugang pa niya.
Jason Mraz mitikang sa nasud
Nitikang sa nasud dili pa lang dugay ang American singer nga si Jason Mraz kinsa maoy nagpasikat sa awit nga I’m Yours . Nag-concert kagabii sa Mall of Asia Arena ang nahisgotan nga singer.
Tipik sa iyang Good Vibes tour ang pagtikang niya sa nasud kun diin gikanta niya ang mga awit nga nalakip sa bag-o niya nga album nga “Know.” Gikatakda usab siya nga mag-concert karong buwana sa Singapore.
Molihay sa ex
Gitataw ni Benjamin Alves nga dili pa gyud siya andam nga makatrabaho og balik ang iyang ex- girlfriend nga si Julie Anne San Jose.
Kahinumdoman nga nipadayag usab og susamang sentiment si Julie Anne.
Suma pa sa aktor nga agdon ra gyud nila ang dagan sa panahon ug sa mahimo nila nga kapalaran.
Dili pa andam mosulod og bag-ong relasyon si Benjamin sukad sila nagkabuwag ni Julie Anne.
- Latest
