Giluwas sa positibong huna-huna

CEBU, Philippines — Pagsaysay pa ni Yad nga mao kini ang  matawag sa iyang kaugalingon tungod sa kadaghan na niya nga nasinati sa iyang kinabuhi bisan paman nga nag-edad pa siya karon og 17.

Sayo nga nawad-an og inahan si Yad. Matud pa niya  nga lisod gyud ang  kinabuhi kun walay inahan nga mogiya kaniya ug sa iyang igsuon.

"Pinakalisud nako nga makalimtan ug lisod dawaton nga wala na akong mama. Pinakalisud patoohon ang kaugalingon nga wala na siya bisan dili nimo kaya", padayag ni Yad.

Si Yad ang kinamanghuran sa duha ka managsuon. Matud pa ni Yad nga aron inanay nga makalimtan ang pagkawala  sa iyang inahan, inanay sab niya nga nangita og pamaagi aron nga malingaw niya ang iyang kaugalingon. Usa niini ang pagpakita sa iyang talento sa pagsayaw ug sa pagkanta.

Tungod sa impluwensiya sa mga kabatan-unan karon, nakat-on sab ang  ulirawo sa maayo nga pamorma. Mao nga total package na sab gyud siya aron makasalmot og mga kompetisyon.

Usa sa mga kompetisyon nga mitatak sa kadaghanan nga gisalmutan ni Yad mao ang Singing Bebeboy sa ABS-CBN Cebu nga kabahin sa  show nga "Kapamilya Mas Winner Ka".

"Pag -first audition nako kay naka- feel ko nga dili ko madala kay negative kaayo ko og hunahuna. One week ago wala gihapun ko tawagi and nakahunahuna ko nga walay bati kung suwayan nako og balik", saysay pa niya.

Mibalik gyud si Yad og  audition  ug human sa tulo ka adlaw, nakadawat siya og tawag gikan sa buhatan sa maong estasyon nga nadawat siya og mamahimo na siya nga kabahin sa maong kompetisyon.

Walay kabutangan ang kalipay ni Yad. Apan pagsugod na sa tinuod nga sangka kun diin anaa na siya sa elimination round, napildi siya ni  Gabriel Nacario.

Ingon nga daghan gyud og pamaagi ang Ginoo sa tawo nga gusto nga magmadaugon ug sa tawo nga tim-os og  intensyon.

Daw murag niabli ang pultahan sa langit sa dihang nasayran ni Yad nga lakip siya sa miresbak ug gitawag nga wild card contender.

Sa maong round, midaog siya ug hangtud na sa Grand Finals, nagpadayon ang iyang kamadaugon.

Si Yad ang nahimong labing unang Singing Bebeboy sa miaging tuig.

Dakong gasa alang kang Yad nga  ang  maong kadaugan gumikan kay nakita niya nga lig-on ug hanas na gyud nga mokanta ang iyang mga nakontra.

Sa bahin sa pagkanta, daghan pa og gusto nga makat-unan si Yad. Sukad niadtong 9 pa lang siya sa dihang nasayran niya  nga mao kini ang usa sa iyang mga talento, dali siya nga gipaubos sa iyang ginikanan og voice lessons sa MMPAA.

Pipila ka tuig sa pagpahanas, inanay nga naangkon ni Yad ang igong kompyansa sa kaugalingon. Ang maong kompyansa nagikan kini sa iyang pamilya nga kanunay nga nagpaluyo kaniya sa tanang higayon.

Tungod niini nakamao mobarog sa kaugalingong tiil si Yad aron nga atubangon ang mga sangka niini sa kinabuhi.

Sa pagsalmot niya karong tuiga sa Sinulog Idol, wala siya magmahay sa pagpanghagad sa iyang amigo nga si Bon Miguel nga matud pa niya nga gipugos gyud siya niini.

Walay igong pagpangandam si Yas sa adlaw sa audition apan gipaningkamutan niya nga masulod tungod kay gusto niya masinati ang dagan sa kompetisyon nga giila  dinhi sa Sugbo nga labing prestihiyoso nga sangka sa pagkanta.

Tuod man, ang bugtong gihuptan ni Yad sa iyang pagsalmot mao nga  mapakita niya sa kinabag-an nga bisan og siya ang pinakabata sa maong batch, aduna kini igong kapasidad sa maong kompetisyon.

Dakong pasalamat ni Yad sa Labaw'ng Makagagahum gumikan kay nakasulod siya sa Top 12.

Dili lang didto kutob ang iyang pagmaya gumikan kay gihagit siya sa panahon paingon sa tukmang gabii nga pagsugod sa pagsangka nilang 12 ka mga mangantahay.

"Lisod kaayo kay naay panahon nga dili kondisyon ang tingog ug ang lawas tungod sa sagunson nga workshop ug practice ug sa tinud-anay kay dili lalim every night mokanta kay not all the time ang atong lawas always mo-cooperate and there are times nga motukar ang lain-lain nga mahitabo sa atong lawas", suma pa niya.

Tungod sa mga kakulian nga nasinati ni Yad, ang iyang pabilin nga positibo sa panglantaw sa kinabuhi mao ang  iyang gihuptan nga kusog aron nga magpadayon.

Matud pa niya nga dili gyud basta-basta ang pagkanta entablado sa  Plaza Independecia gumikan kay nagbaha gyud ang mga tawo.

"Usahay, makafeel ko sa akong self nga dili nako kaya pero kung mo-think positive lang jud ko nga mabuhat man diay nako, mao na nga akong negative thinkings kay ilisan nakog positive", siya miingon.

Dakong pasalamat sab ni Yad nga g sa iyang pagkapositibo , nagmalipayon ang iyang kinabui ilabi nga naisip na niya nga pamilya ang mga kaubanan niya sa Sinulog Idol.

"Bisan pa man sa kadaghang nahitabo sa akong kinabuhi, bisan og wala na akong mama, tungod sa akong family ug sa Sinulog Idol family, they made me even more than a fighter and the positive thinker that I can be", pagtapos pa ni Yad.

FACTS:

Name: Yad Robal Jayme

Nickname: Yad

Birthday: May 1, 2001

Address: Mandaue City

School & Course: La Consolacion Liloan, STEM

Height: 5'7

Weight: 58 kgs.

Favorite Color: Maroon

Favorite Song: Iingatan Ka

Favorite Singer: Freddie Mercury

Celebrity Crush: Liza

Motto: If you know how to borrow, you should know how to return.

Titles/Achievements in Life:

-Singing Bebe Boy Champion

-Mandaue's Got Talent Champion)

"Fighter ug Positive-Thinker".

  Mao kini ang mahulagway sa  labing bata nga misangka sa  Sinulog Idol Season 10 nga si Yad Robal Jayme kinsa nagikan sa Mandaue City.