Zsa Zsa excited kay Ian

Excited si Ms. Zsa Zsa Padilla sa kanyang upcoming concert titled Totally Zsa Zsa na gaganapin sa Newport Performing Arts Theater on May 16.

Sa presscon ng concert na ginanap noong Friday, April 12 sa El Calle Bar sa Resorts World Manila, ni-reveal ni Zsa Zsa na kanyang concept ang concert, na binuo niya together with her director Floy Quintos.

“Gusto ko kasi na i-merge ‘yung music before sa music ngayon. Gusto ko marinig ng millennials the music we grew up with tapos present it in a way na makaka-relate sila,” pahayag ng Divine Diva.

Bago nagsimula ang presscon ay nagpaunlak ng number ang Divine Diva by singing a medley of songs composed by Burt Bacharach.

Binanggit din ni Zsa Zsa na siya ang nakaisip na i-guest sa concert si Ian Veneracion. Doon sana sa Valentine show niya ay gusto na niya itong makasama kaya lang ‘di umubra ang schedule ni Ian.

Now that nakuha nila ang dashing actor, excited si Zsa Zsa na makasama sa concert stage si Ian.

Handa na ang Newport Performing Arts Theater stage ng Resorts World Manila para sa pagbabalik ni Zsa Zsa sa concert stage.

Guests din sa concert sina Karylle at Zeus Collins ng Hashtags. Musical direction is by Homer Flores.