Kris miatras sa kaso

CEBU, Philippines – Giatras na ni Kris Aquino ang reklamong qualified theft nga gipasaka niya batok kang  Nicko Falcis sa Office of the Prosecutor sa  Mandaluyong City.

Si Nicko maoy kanhi project director sa  digital company ni Kris nga Kris Cojuangco Aquino Productions o KCAP.

Sum pa sa report sa PEP,   wala na mohatag og lapad  detalye ang kampo ni Kris sa rason sa pag-atras niini sa kaso.

Kahinumdoman nga gipasanginlan  ni Kris si Nicko  kaniadto nga matud pa nigamit sa credit card sa ilang kompanya nga wala siya masayod.

Maja napili nga  ambassador sa NCCA

Ang  Kapamilya star nga si Maja Salvador maoy bag-ong gipaila nga  ambassador sa National Commission for Culture and the Arts o NCCA sa usa sa mga programa niini nga  “Dance Xchange”.

Ang “Dance Xchange” giumol sa  NCCA niadtong  2009 isip  selebrasyon sa  International Dance Day nga nagtangag sa tema karong tuiga nga  “Cultural Connectivity through Dance”.

Nasayran nga usa si Maja sa maayo kaayo mosayaw.

“Bilang dance ambassador, marami nang kabataan ngayon ang iniidolo ang international music at kung ano ang uso ngayon. Pero hindi lang sa mga kabataan siguro sa atin lahat na din na mga Pilipino, kung alam natin ang magmahal sa ibang sayaw, sana wag natin kalimutan ang sarili nating sayaw,” saysay pa sa aktres.

Wala gyud nausab

Posibleng makatrabaho og balik ni Direk Brillante Mendoza  ang Kapamilya actor nga si  Coco Martin.

Matud pa ni  Direk Brillante nga duna gihapon sila’y  komunikasyon  ni  Coco ug nalipay siya gumikan kay wala gyud nausab ang aktor.

Suma pa niya nga mapaubsanon gihapon si Coco  luyo sa dakong kalampusan sa showbiz career niini.

Pahinungod kang Claudine

Gikatakdang  i-revive ni Angeline Quinto ang  ‘90s classic  nga  ‘Mula Sa Puso’ ug iyaha kining ipahinungod  sa iyang idolo nga si  Claudine Barretto.

Kahinumdoman nga si Claudine maoy bida  sa dihang gimugnaan og teleserye ang maong awit,

Nipadala gyud og text message si Angeline ngadto kang Claudine  

Bag-ong pakilig

Subling gipakilig nila ni  Vice Ganda ug “Kuya Escort” Ion Perez ang viewers sa  It’s Showtime.

Sa segment nga “KapareWho” , nangutana si  Vice sa mga buhaton nila sa nagkadaiyang  sitwasyon ug gisultian siya ni Ion og, “Okay lang ako masaktan, maging masaya ka lang.

Naliki og samot ang viewers sa dihang nidugang og lenggua si Ion og,” Doon ko ipaparamdam sa taong mahal ko na sobrang importante siya sa akin.”

Nitubag si Vice nga basin komedya ra kini ni Ion .

Nihirit dayon si Ion og,” “Never ako nakipagbiruan sa ‘yo… Sa ngiti lang ‘yun, pero ‘yung nararamdaman ko sa ‘yo, seryoso.”

Fans gibadlong ni Direk Cathy

Pipila ka fans nila ni Alden Richards ug Kathryn Bernardo  ang gibadlong  ni Direk Cathy Garcia-Molina human kini nikuha og “behind the scene” photos ug videos atol sa pelikulang Hello, Love, Goodbye didto sa Hong Kong.

Nasayran nga nagpanikad na ang fans nila ni Kathryn ug Alden sa maong pelikula ilabi na nga mao kini ang labing unang higayon nga nag-uban ang duha sa usa ka proyekto.

Ang maong pelikula  gi-produce sa  Star Cinema.