Direk Erik: Angayan si Nadine
CEBU, Philippines – Kun si Direk Erik Matti ang pasultihon, si Nadine Lustre ang angayan nga mahimong Darna nga gibiyaan ni Liza Soberano .
“After her (Liza), I only see Nadine Lustre so far as someone who can be Darna. Very sultry. She has a lot of female sensuality and at the same time still looks tough and very Filipina,’ saysay pa sa direktor ngadto sa PhilStar.
Kahinumdoman nga si Direk Erik maoy nagpili gyud kaniadto kang Liza alang sa maong movie remake. Nibiya si Erik sa maong proyekto ug gipulihan ni Jerold Tarog.
Himoan og adaptation sa Turkey
Himoan og adaptation didto sa Turkey ang 2017 crime series nga “Hanggang Saan,” nga gibidahan ni Sylvia Sanchez ug sa iyang anak nga si Arjo Atayde.
Usa ka content production company sa Turkey ang mo-co produce sa ABS-CBN alang sa maong proyekto nga magtangag sa titulo nga “A Mother’s Guilt.”
Ang maong adaptation gikatahong i-ere sa FOX Turkey nga sikat kaayo sa maong dapit.
Claudine sa MMK
Makabaton og comeback project sa telebisyon ang aktres nga si Claudine Barretto pinaagi sa usa ka episode sa Kapamilya drama anthology series nga Maalaala Mo Kaya.
Nikatap ang hulagway ni Claudine sa social media nga kuha sa taping sa maong programa.
Makauban matud pa niya sa maong episode ang Hashtags member nga si Jameson Blake.
Wala pa matino kun kanus-a i-ere ang maong episode. Katapusang paglugwa ni Claudine sa MMK nahitabo niadtong 2016.
Stranded gilangaw?
Gikatahong wala manimaho sa takilya ang pelikula nila ni Jessy Mendiola ug Arjo Atyde nga Stranded. Suma pa sa nitumaw nga tsika, kapin lang sa P200,000 ang kita sa unang adlaw sa pagpasalida niini.
Angayan mag-Darna
Nasorpresa si Sanya Lopez sa lenggua sa pipila ka netizens nga matud pa angayan siya mahimong Darna. Segurado si Sanya nga dili kini mahatag kaniya sanglit duna pay daghang artista nga mas angayan modala sa maong karakter.
Pasok sa horror movie
Nagpanikad na si Ryan Agoncillo sa horror movie nga gitanyag sa iyang higala nga si Topel Lee. Wala pa’y ideya si Ryan kun kanus-a masugdan ang maong proyekto.
Nakapalit og farm
Nalingaw pag-ayo si Zsa Zsa Padilla sa pagsuroy niya sa farm nga gipalit nila sa iyang hinigugma nga si Conrad Onglao didto sa Lucban, Quezon. Matud pa sa singer nga sa miaging tuig pa nila gikahinaman ang maong property.
Si Maja ang ipuli?
Dili na ganahan mohatag pa daghang komento si Maja Salvador kalabot sa sugyot sa iyang fans nga matud pa siya ang angayan mohulip kang Liza Soberano kinsa niatras sa movie remake sa Darna. “Ayokong magsalita nang tapos. Mahirap magsalita pero natutuwa po ako sa lahat ng ating Kapamilya. Opo, nababasa ko ‘yung mga tweet na isa ako sa mga gusto. Pero ayoko lang mag-tweet about it. Kasi respect kay Liza, because it’s for Liza,” suma pa ni Maja.
Beteranong aktor mipanaw
Nagbangotan si Robin Padilla sa pagpanaw sa higala niya nga si Boy Roque nga usa ka beteranong character actor. Nipanaw si Boy gumikan sa atake sa kasingkasing. “Nakikiramay ako sa iyong mga naiwan maestro ko,” suma pa ni Robin.
Dili angayan
Tsika pa ni Jessy Mendiola nga dili pang-Darna ang kolor sa iyang pamanit busa dili siya haom sa maong karakter. Nasayran nga pipila sa iyang fans ang nipadayag nga angayan siya sa maong iconic character.
Pamilyang Atayde
Mapasalamaton sila si Sylvia Sanchez, Arjo ug Ria Atayde gumikan kay puros gyud naglawig ang ilang mga career. Nasayran nga nagsagunson ang ilang mga proyekto karong tuiga.
JM ug Ria uyab?
Gikatahong nag-uban sa pagbakasyon sila si JM De Guzman ug Ria Atayde. Wala hinoun matino kun unsang lugara ang ilang gisuroyan. Nasigpatan ang duha nga nag-uban sa airport.
Nagpanikad na
Nagpanikad na si Ruffa Gutierrez sa subli niya nga pag-arte atubangan sa kamera. Nasayran nga nalakip si Ruffa sa upcoming series sa ABS-CBN nga Love Thy Woman nga gibidahan nila ni Kim Chiu, Xian Lim ug Erich Gonzales.
- Latest