Darren sa singer 2019

CEBU, Philippines — Gikumpirma na sa Star Magic ang paglugwa karong tuiga ni Darren Espanto sa Singer 2019 didto sa China. Kahinumduman nga si KZ Tandingan mao ang nahimong representate sa maong kompetisyon sa miaging tuig.

Istoryahon ang amahan

Plano ni PBB Otso adult housemate nga si Andre Brouillette nga istoryahon ang amahan ni Lou Yanong aron hatagan og katin-awan ang mga nahitabo sa sulod sa balay ni Kuya. “I wanted to talk with him a lot and tell him my feelings for Lou. I know that Lou tells me that he is a very wise person so I want to tell him and talk to him and express my feelings,” suma pa ni Andre.

Retirement place ni Albert

Gipakita ni Albert Martinez ang iyang lima ka ektarya nga luna sa Tanay, Rizal kun diin matud pa nga mao kini ang mahimo niya nga retirement place kun ugaling moretiro na siya isip usa ka aktor. Daghan na og plano ang aktor sa maong dako nga luna. Usa na niini mao ang pagpatukod og hotel.

1m na!

Nakugang gyud ang PBB Otso adult housemate nga si Fumiya Sankai gumikan kay naabot na og  usa ka milyon ang iyang subscribers sa Youtube. Dako ang iyang pasalamat sa mga tawo nga mi-subscribe ug mitutok kaniya sa PBB tungod kay mao kini ang rason sa iyang dako nga achievement sa kinabuhi.

Andam na magminyo

Suma pa ni Arci Muñoz nga andam na siya magpakasal sa iyang boyfriend nga usa ka businessman nga si Anthony Ng. “I think I’m ready whenever. I think I’m at the right age naman po and nagko-complement kami kasi nabibigyan ko ng spark yung kanyang boring life”, saysay pa ni Arci.

Excited mo-host

Excited na si Anne Curtis nga mahimong host sa fans day sa Korean star nga si Park Bo Gum karong buwana. Sa una pa man, vocal gyud kaayo si Anne nga usa gyud siya  ka fan sa Korean drama.

Mopahuway una

Mobalik ra puhon si Jodi Sta. Maria sa pagamit sa iyang social media account. Matud pa niya nga mopahuway sa siya sa pagamit niini. Wala mibutyag ang aktres sa iyang rason apan tataw nga busy sab gyud ang aktres sa iyang schedule karon ilabi na sa iyang pagtungha.

Saab mabdos

Gipahibalo ni Saab Magalona nga nagsabak na sab siya karon. Usa pa ka tuig ang milabay sa dihang nahimugso ang una niya nga anak.

Target mahimong Valentina

Game gyud si Denise Laurel nga mohupot sa karakter nga Valentina sa pelikula nga Darna. Matud pa niya nga dawaton gyud niya ang maong karakter kun itanyag kini kaniya.

Gidumog ang concert

Gidumog gyud ang concert nila si Morissette Amon, Piolo Pascual ug Ogie Alcasid didto sa Dubai. Ingon nga sulit gyud ang ilang gihatod nga mga performance alang sa ilang mga fans sa maong dapit. Bisan pa man og ikapito na nga nakapasundayag si Morissette sa maong dapit, mainiton gihapon ang iyang nadawat nga suporta.