Mura’g Adunay Laing Tuyo

BisChika Sunday mga BisChikadora! Ugma April na! Hapit na ang April Fools’ day, mao nga karun palang gipahinumduman mo sa inyong Mother Butanding nga dilli mo magpadala sa inyong gibati o reaksiyon sa mga posts sa inyong mga friendship sa social media  o text nga inyong nadawat o madunggan nga chika kay basin nailad mo.

Ang angay buhaton kay susihon usa ninyo ang maong balita para dili ka maingnan og “ April Fool’s Day” ! Mao nga karun palang kay amping mo mga BisChikadora!

Pero kining atong Kinsa Siyaaa???? Ambot kung nailad ba kining usa ka local singer sa usa ka events coordinator nga makapaHugyaw sa iyang talent fee. 

Ang BisChika  mao nga ang local singer  gi book sa usa ka events coordinator para sa umaabot nga kasal.

Sigon pa sa atong Kinsa Siya Insider gamay pa kaayo ang talent fee pero gusto sa events coordinator nga makigkita si local singer sa couple para masabutan kuno daan ang mga kantahon.

Didto na medyo ni reklamo si local singer sa events coordinator kay ang talent fee nga iyang gi offer halos pang plete lang sa taxi.

Nasuko pa ang events coordinator kay kun dili makig meet up ang local singer ilisan siya og lain. Didto nahibaw-an sa atong Kinsa Siya Insider nga kining events coordinator  duna’y laing tuyo sa local singer? Unsa man kini? Hmmmmm…. Hahahhahaha! Nahibaw-an sa atong Kinsa Siya Insider nga ang talent fee sa local singer kay halos wala kaabot og P500??? Hala noh? Wala naikog ang events coordinator sa  local singer? Sakto gyud diay ang BisChika nga pang taxi lang ang TF.

Unya naa pa’y laing tuyo ang events coordinator sa local singer kay duna man diay kini hitsura ug yummy body kay ang nawong naa permi sa gym kun wala’y raket.

Pwes, ang ending, gibasura ni singer ang raket kay wala na siya nakauyon. Kinsa Siyaaaa??? Ang local singer finalist sa usa ka dako ug sikat nga talent show sa Visayas, ug ang events coordinator kay usa pud daw ka host???? Itanong mo kay Sanden sa House of Ella o kay beshie Jaypee sa JaypeeLao Events! Hhahahahahha!

* * *

Sa laing bahin, malampuson ang unang Kapuso Barangayan sa GMA Regional TV kauban ang mga agencia sa gobyerno ug pribadong organisyon sa paghatod og libreng serbisyo niaging Sabado sa Barangay Kamagayan basketball court. Dako kaayo ang ilang kalipay kay sila ang gibisita sa Kapuso Network. 

Adunay libreng pospas sa mga molinya para mo register. Pagsulod nila sa area, naa dayon ang GMA Regional TV booth para sa libreng tupi, libreng masahe ug kung adunay mga problema nga gusto nila og kasulbaran naa ang ipa-Balitang Bisdak mo Help desk.

Present sa atong Kapuso Barangayan ang mga correspondents sa Balitang Bisdak nga silang Chona Carreon ug Nikko Sereno. Naa usab ang booth sa libreng blood pressure ug blood sugar screening.

Dili lang na, naa usab libreng konsultasyon for legal matters ug labaw sa tanan ang wala’y mga trabaho kauban ang PESO pwede ka ma hire on the spot sa mga kumpanya nga nagkinahanglan ug mga trabahante. Siyempre para mas lingaw ang GMA Regional TV Kapuso Barangayan usa ka show ang among giandam.

Ni perform ang Wave Onyx Dancers plus ang mga talented students sa USJR best in singing and dancing. Nagpa raffle usab kami og lima ka sakong bugas ug cash prizes. Hugyaw ra! Thank you sa atong mga partners!