Gerald Anderson ug Julia Barretto magpares?

CEBU, Philippines — Gihisgutan karon pag-ayo sila si Gerald Anderson ug Julia Barretto kinsa susama nga naa sa Japan karon. Ang duha susama  nga nag-post og hulagway sa maanindot nga dapit sa Japan ug adunay managsama nga kapsyon. Posibleng mag-uban ang duha sa usa ka proyekto .

Upat na ka buwan

Malipayon nga gibutyag ni Vice Ganda nga naa siya karon sa upat na ka buwan nga pagpakigrelasyon. Matud pa ni Vice nga malipayon gyud siya sa ilang estado karon. Mao kini ang unang higayon nga mihisgot si Vice kabahin sa iyang lovelife.  Bisan tak-om siya kalabot  niini, giingong  ang kauban niya sa It’s Showtime nga si Ion Perez maoy gidungog nga uyab sa komedyante.

Nadine Lustre gipasidunggan

Gipasidunggan si Nadine Lustre sa Young Critics Circle isip ‘Best Performance in A Movie’ human mibida sa pelikula nga ‘Never Not Love You.’ Gipili sa YCC ang 25 anyos nga aktres tali nilang Ina Raymundo ug Pokwang kinsa nominado sab sa ilang performance sa “Kuya Wes” ug “Oda Sa Wala”.

Sobra ka pisikal

Tsika pa ni Sunshine Cruz nga grabe ka pisikal ang iyang fight scenes sa “Mystified” kun diin siya maoy nidala sa kontrabida role. Matud pa niya nga dunay higayon nga kapuyon ug masakitan na siya sa mga fight scenes pero dili siya moreklamo niini tungod kay nalingaw ra sab  siya sa maong buhat. “To tell you honestly, it was really hard for me because it’s the first time I did something like this, yung fight scene na ganito. But they were really very helpful and very patient sa akin. Siyempre hindi maiiwasan yung magkakaroon ka minsan na masasaktan ka pero wala yun. It’s part of our job,” suma pa ni Sunshine.

Estilo ni Toni Gonzaga ???????

Na-achieve gyud ni Toni Gonzaga ang iyang make up routine nga iyang gibuhat sulod sa sakyanan. Matud pa ni Toni nga buhaton lang niya kini kun wala na gyud siya’y oras nga buhaton ang iyang make up kun padulong na siya sa trabaho.

Nitabang og limpiyo

Apil sab sa namunit sa mga hugaw ug basura sa kadagatan ang TV Stars nga sila si Enchong Dee ug Ria Atayde sa gipahigayon nga People’s Coastal Clean-up Vs Reclamation sa Baseco, Manila. Matud pa sa duha nga mobalik sila nga magdala og daghang panon. Nanghinaot sab ang duha nga limpyo ang intensyon niini nga buhaton ang angay nga buhaton ug dili lang motikang ug motabang aron lang magpa-picture lang.

Malipayon sa reaksyon

Malipayon ang aktres nga si Bea Alonzo nga positibo lang ang iyang nadawat nga mga komento human nga nag-trending ang iyang sexy nga bikini photo nga gi-upload sa Instagram. “Nakakatuwa na ‘yung mga reactions ay positibo. Hindi siya tungkol sa pagpapakita ng skin eh. It’s about being comfortable in your own body and your own skin. I also promote ‘yun nga body positivity and to do it right”, suma pa ni Bea.

Maymay Entrata??????? Gitudluan ni Pia Wurtzbach

Tsika pa ni Maymay Entrata nga gitudluan ug gitambagan siya ni Miss Universe 2015 Pia Wurtzbach una pa siya mirampa sa runway kauban ang ubang beauty queens atol sa homecoming event ni Catriona Gray. Matud pa ni Maymay nga gidasig gyud siya pag-ayo ni Pia aron nga mas ganado siya nga mopaso sa maong dako nga kalihokan.

Walay problema

Gitataw ni Kathryn Bernardo nga dili tinuod ang taho nga nagbuwag silang duha ni Daniel Padilla. Matud pa ni Kath nga wala sila’y problema ni Daniel ug malipayon ang ilang estado sa relasyon karon.

Hapit ra

Gitug-an ni Angelica Panganiban nga hapit gyud siya nga ma-inlove pagbalik sa iyang ex-boyfriend nga si Carlo Aquino. Matud pa ni Angelica nga daghan siya og rason nganong wala gyud sila magbalik niini. Gitataw sab niya nga wala sab siya’y tinagoan nga pagbati alang sa iyang co-star sa ‘Playhouse’ nga si Zanjoe Marudo.