Mr & Mrs AIT

Avisala eshma mga BisChikadora! Ting- init na gyud! Daghan na kaayo ko’ng nakit-an nga mga summer destinations nga angay adtuan karung ting-init. Ang uban nakong mga friendship nag una na sa ilang summer escapade— medyo makasuya very light— hahahaha! Dili lang ang pagsuroy suroy sa mga maanindot nga lugar ang atong adtuan apan ang inyong Mother Butanding mag remind usab kaninyo nga ang Marso kay Fire Prevention Month. Mao nga amping usab kita mga BisChikadora sa atong mga butang sulod sa balay nga dali kaayo mokayo o moinit nga maoy hinungdan sa sunog. Apan ang uban duna’y laing init nga nahitabo karun, init sa gugma! Nagkayokayo ang lovelife! Mao nga dili usab magpalabi kay basin mangasunog mo! (Joke! Hahahhahaha! Bitter lang? ) Mao nga enjoy March apan dili usab kalimtan ang mga religious activities kay nagkaduol na usab ang semana santa.

Sa laing bahin, back to back hurado ang akong beauty sa Advance Institute of Technology nga nag celebrate sa ilang ika 23rdFoundation Day. Usa sa mga highlights sa ilang selebrasyon mao ang beauty contest  diin ang inyong Yur’s truly ang usa sa mga hurado. Unang gabie sa indigay kay ang Mr and Ms AIT 2019 Senior High School ug pagkasunod gabie mao ang Mr. and Ms. Teen AIT 2019. Ang mamahimong usa ka candidate kay dili ana kasayon, adunay ipahigayon nga selection of Top 30 para sa male and female candidates. Kun mapili ka isip usa sa mga candidates dapat present ka sa mga activities sama sa photo shoot, rehearsals ug sa Talent presentation hangtud sa Coronation Day!

Kauban ang mga hurado, dapat abtik kaayo ka nga motan aw matag candidates kay sa opening palang daan mag judge naka  kinsa ang best in Production Number human niini imong tan-awon ug tarong kung kinsa ang nagsul-ob sa ilang sakto nga required uniform kay mao kini ang next segment. Pagkahuman ang Formal wear para sa mga male candidates ug Evening gown para sa mga girls candidates. Gikan sa 30 candidates mahimo kining 10 nalang ug nagtigi sa Question and Answer Portion. Bilib ko sa mga candidates bisag pressure na kaayo on stage best in tubag sila. Sigon pa ni Mam Golda Ybanez, ang School Principal, nga usa kini sa mga pamaagi nga ma develop sa mga estudaynte ang ilang self- confidence. Sa tinuod lang, ang ubang mga AIT winners kay duna na’y confidence for a bigger pageant sama ni Shane Marie Ortega nga nahimong Miss LapuLapu 2015. Ang ubang mga winners nakit-an usab nako nga ni audition sa StarStruck niaging buwan. Photos by Joseph Calinawan