Miss Universe franchise magpabilin sa BPCI

CEBU, Philippines – Gikumpirmar ni Stella Marquez-Araneta nga ang Miss Universe Philippines franchise nagpabaling  gipanag-iya sa  Binibining Pilipinas Charities, Inc. (BPCI).

Matud pa ni  Stella nga wala siya’y ideya  kung diin nag-ugat ang report nga matud pa gitanyag na sa  Miss Universe Organization (MUO) ang franchise niini sa kompanya  ni  Ilocus Sur Governor Luis Chavit Singson nga LCS Group.

Suma pa niya nga siya gihapon ang naghupot niini ug nagkalig-on ang iyang koneksyon sa mga tawo luyo sa maong indigay.

"I was with the people of Miss Universe. Well, I have bonding with them for many years,” suma pa niya.

Una na nga nilutaw  ang tsismis nga  gitanyag na kang  Chavit ang Philippine franchise sa  Miss Universe apan nilenggua kini nga wala pa siya modawat niini.

Nasayran nga usa si Chavit sa mga aktibo nga sponsor sa maong indigay.

Nasayran nga  ang kompanya ni  Chavit maoy usa sa mga mo-finance sa -68th Miss Universe nga pagahimoon sa   South Korea  karong tuiga.