Panginabuhi pa more!

Happy New Year mga BisChikadora!!! Goodbye na 2018 ug welcome 2019. Sa mga nilabay nga pagsuway sa akong kinabuhi karung tuiga ,mapasalamaton gihapon ko sa Kahitas-an nga gitagaan ko og kusog nga atubangon kining mga challenges. Duna’y mga panahon nga gusto nako mo give up pero kung mosangpit lang gyud ka sa Ginoo dili ka mapasagdan .Mao nga mga BisChikadora, hold on lang gyud  ug dili mawagtangan sa paglaom kay pila ka adlaw New Year na!

Magpasalamat kung dako sa The Freeman Banat News sa kanunay nga pagsalig kanamo.  Gitagaan ko ug kahigayunan nga ma -share nako ang akong talento gawas sa BisChika ug BANATanay matag Martes sa print, anaa usab ang among BANATanay Live na Live every Wednesday sa Facebook. Kini dako usab nakatabang sa akoa isip #BuhayTalent. Siyempre, Big THANK YOU sa akong Mother Network  nga GMA7 Cebu nga bisag wala nako’y TV show sa pagkakaron, nahimo kung parte sa ilang mga Kapuso shows. Sa tinuod lang, gimingaw ko og host on TV!. I will always be grateful sa duha ka kumpanya nga nisalig kanako. Labaw sa tanan, dako ang akong utang kabubut-on sa mga readers, viewers ug mga kumpanya nga gikuha ang akong serbisyo, dili nako maabot ang akong naabtan karun kung dili tungod ninyo.

Mga dili makalimtan nga raket o show sa inyong Mother Butanding sa tuig 2018:

1. Kapuso Mall Show sa Tacloban - Kasagaran, mag fast craft ang team gikan  Cebu to Ormoc unya padung sa Tacloban. For the first time ,nag- eroplano ang team pero first trip tungod kay  mahadlok mabiyaan sa flight . Halos wala na natulog akong beauty , pag -abot sa Tacloban ,wala nako nakatulog ,ang ending pagbalik sa Cebu, best in concert ( hagok ) akong beauty sulod sa eroplano.

2. Kapuso Mall Show sa Ormoc - Sa pagdali –dali sa among team pabalik sa Cebu nga mosakay sa last trip, akong giuna og hipos ang production box , ang ending akong bag nga naa akong mga sanina nahabilin hangtud karun toa pa sa mall nga among gi- showhan, hahahaha!

3. Kapuso Fiesta in Tanjay City - Hugyaw nga accomodation nga makaingon ka sa imong self nga lami ra! The kaon is unlimited.

4.  Kapuso Fans Day of Alden Richards- Pagkadaghan sa mga nanan-aw sa fans day and the good thing wala nausab gihapon si Alden sa iyang mga Cebuano Fans ug gikilig si Mrs. Yuri Richards, hahahahaha!

5. Kapuso Fiesta in Maria, Siquijor - First time nga show namo kauban ang mga Kapuso Stars ug applauded kini..

6. Raket sa Siargao - First time ko nagbarko from Cebu to Surigao,  unya Surigao to Siargao .Best in lipong very light tungod sa mga balod!

7. Raket sa Bienunido sa Bohol- Tungod kay dunay Low pressure area, from fast craft to v-hire  to another sakyan para makaabot ka sa venue

Ang tanang raket para nako kay usa kini ka opportunity mao nga bisag pila pa ka dagat ang labngo,n go lang gyud ug laban lang kay mao kini ang kinabuhi sa #BuhayTalent nabubuhay sa raket! and I Thank you!!!