Nagselos Diay

Merry Christmas mga KaBisChika! Duha nalang ka adlaw magPasko na mao nga bisan sa mga kakulian nga imong giagian karun aduna gihapoy rason nga magmalipayon ang gipakatawo na ang batang manunubos. Mao nga cheer up and be happy BisChikadora! Gani, dili lalim ang mag #BuhayTalent— kanang nabubuhay ka sa raket! Hahahhaha! Kun wala’y raket wala’y dadels ( kwarta ), mao nga ikaw mismo mag naning ka para naa ka’y pagkaon nga mahaon sa lamisa. Unya ang mga #BuhayTalent wala’y holiday, wala’y 13th month pay, wala’y bonus, wala’y mga health benefits. Sa tinuod lang, aduna’y mga events nga wala mi sa among pamilya labi na sa Christmas o New Year kay gitawag kami sa among trabaho. Yes, every New Year’s countdown sa GMA 7 Cebu parte ko sa production team. Siguro karung tuiga kay ika walo na ka tuig nako. Di, ba? Mao na ang #BuhayTalent wala’y gipili nga okasyon. Para mahatagan mo og maayong show. Pakpak para sa mga #BuhayTalent.

* * *

Ania na ang Kinsa Siya??? Kinsa siya kining local talent nga ang girlfriend hugyaw makakupot mura’g bitin kun mang gunit! Noh? Sigon pa sa atong Kinsa Siya Insider ang girlfriend sa local talent kay best in giaway niya ang mga friends sa iyang boyfriend lakip na ang manager niini. Mo post kini sa iyang social media accounts kabahin sa manager sa iyang boyfriend nga wala siya nakauyon ug uban pa.  Unya dili usab magpalupig ang manager, tubagon usab niya ang girlfriend sa iyang social media accounts. Ang ending naabot kini sa mama sa local talent ug nag atubangay ang duha ka kampo. Dili na gusto sa girlfriend nga ang iyang boyfriend ( local talent ) moapil pa sa iyang grupo. Well, nisugot usab ang manager sa maong local talent. Nigawas ang rason nganong dili ganahan ang girlfriend nga mahimong parte sa agency kay kining local talent diay kay murag naka like sa usa ka kauban niya nga model. Ang ending selos???? Kinsa siya kining local talent? Nisuway og apil ug reality singing contest.

* * *

Isip #BuhayTalent mapasalamaton kaayo ang inyong Yur’s truly sa mga company nga nikuha sa akong serbisyo nga para mahimong kabahin sa ilang mga events. Thank you kaayo usab sa The Freeman nga pila na usab ka tuig nga matag Christmas party usa ko sa ilang mga host. Karung tuiga, kay hugyaw ang among mugna— nag 70s ang theme— murag feeling nako daghan ang naka relate. Hahahahaha! Mao nga happiness kaayo para sa tanan! Aduna’y group presentation, raffle ug tigiay sa Star of the Night nga murag beauty contest. Congratulations sa mga winners!

Gikan sa inyong Mother Butanding.. Yuri! Merry Christmas to all of you!