Lovers in Siargao

CEBU, Philippines — Gitagbaw  gyud nila ni Kathryn Bernardo ug Daniel Padilla ang ilang Christmas break gumikan kay gisugdan nila kini pinaagi sa paglulinghyaw sa Siargao. Kauban nila Kathryn ug Daniel ang ilang mga suod gna mga higala sa showbiz. Bisan pa man og ting-uwan, wala gyud nila palabya ang higayon nga makatikang sa sikat nga spot sa  nasud.

Calvin mipasabot

Nabulabog ang loyal fans ni Vice Ganda niadtong miaging adlaw gumikan kay gi-post ni Calvin Abueva sa iyang Instagram account ang hulagway sa asawa niini nga si Salome Alejandra. Daghan ang nadismaya ni Calvin sa maong post ug tungod niini giuwan kini og pagsaway gikan sa fans sa TV host. Dali sab nga midepensa si Calvin pinaagi sa pagpabuhagay sa iyang side sa maong panghitabo. “Alam nyo si Vice, totoong kaibigan. Ang asawa, asawa talaga. Wala akong pakielam kung i-bash niyo ako o support kayo. Kami ni Vice, true friend ang turing ko sa kanya. Hindi na siya iba sa 'kin”, suma pa ni Calvin.

Na-stress sa showbiz

Nabati pa gihapon sa teen star nga si Ylona Garcia ang stress nga gihatag sa showbiz kaniya. Kahinumduman nga nalandig sa tambalanan si Ylona gumikan kay dili na maayo ang gibati niini tungod sa kasamok sa  social media nga nakahatag og kadaot sa iyang panglawas. Karon nga nabati gihapon niya ang stress, gipadayag ni Ylona pinaagi sa iyang Twitter account nga nag-stress eating na siya .

Wala’y tingganay

Gibutyag ni Aiko Melendez nga duha ka tuig na sila nga nagbungol sa iyang kanhi bana nga si Jomari Yllana. “Two years na kaming hindi nag-uusap ni Jom…of course, the partner just gave birth so I don’t want to cause anything naman sa kanilang dalawa and parang respeto ko na lang yun sa kanila”, suma pa ni Aiko.

Ang tattoo

Mihatag og katin-awan si Jessy Mendiola kun nganong nagpa-  tattoo sa iyang lawas. Matud pa ni Jessy nga ang whale shark nga naa dapit sa iyang  pulsuhan nagpatimaan kini sa dili niya mahikalimtan nga kasinatian sa usa ka whale shark atol sa iyang underwater experience.

Hugyaw og premyo

Hugyaw  gyud ang nahitabong ika-40 nga kasaulugan sa adlaw’ng natawhan sa Pambansang Kamao nga si Manny Pacquaio gumikan kay gawas nga 10,000 ang mitambong sa maong kasaulugan, bongga sab gyud ang nahimong pa-raffle niini. Dili gyud basta-basta ang mga gipanghatag nga butang ni Manny gumikan kay ang mga midaog sa raffle nakadawat og sakyanan, motor, pick-up trucks, usa ka million nga pesos ug uban pa.

The world’s best

Molugwa sila si Keifer Sanchez, Mackie Empuerto ug  Francis Concepcion kinsa mas naila kna karon isip TNT Boys sa global talent competition nga “The World's Best”. Ang maong show magsugod karong Pebrero sa 2019.

Rason ni Kiray

Opisyal na gyud diay nga Kapuso ang kanhi Goin’ Bulilit star nga si Kiray Celis. Mipirma na ang exclusive contract ang aktres niadtong Miyerkules lang. Mipasabot sab si Kiray sa tinuod nga rason kun nganong nakahukom siya nga mobalhin og luna. "Sabi ko sa sarili ko, hindi na ako naggo-grow as an artist. I need something more", suma pa ni Kiray.

Dili pa andam

Gitug-an ni Jericho Rosales nga dili pa siya andam nga mahimong amahan pagbalik. Upat ka tuig na nga minyo karon si Jericho ngadto kang Kim Jones ug matud pa sa aktor nga wala pa sab silay plano ni Kim nga makabaton og anak gumikan kay aduna pa sila’y angayan nga makat-unan sa ilang panagtipon. Dugang pa ni Echo nga gi-enjoy una nila ang usa’g usa nga wala pa’y mga liwat.

Magminyo na?

Tsika pa ni Alex Gonzaga nga nahisgutan na nila sa iyang boyfriend nga si Mikee  Morada ang pagpakasal. "Napag-uusapan na namin. Siyempre ang fake naman kung hindi pa napag-uusapan at tumatanda na rin. But alam namin kung ano ang time frame. May time frame kami sa isa't isa”, suma pa ni Alex.