Inigo at Maris kuntento sa walang label na relasyon
Merong problema na dapat maresolba sina Inigo Pascual at Maris Racal na inaakala ng lahat na magkarelasyon na pero, nagsabing di pa sila officially together. Pero, kailan pa sila masasabing together gayung ‘di na pwedeng magpaligaw sa iba ni Maris at si Inigo naman ay bawal nang manligaw ng iba? Ito ang rule na sinusunod nila sa kanilang wala pang label na “relasyon”. May karapatan na rin si Inigo na sabihin kay Maris na ayaw niyang nagpapa-sexy ito pero, walang choice si Maris kapag hinihingi ito ng trabaho niya. ‘Yun ang lagay ng relasyon nila. Para mapadali ang pagiging 100% ng relasyon nila, kailangan ni Maris ng assurance ni Inigo.
Samantala, patuloy pa rin ang hindi malinaw na friendship nina Maris at Loisa Andalio. It seems wala pang indikasyon na mananauli ang pagkakaibigan nila lalo’t may iba nang BFF si Maris, si Sue Ramirez. Di kaya pwedeng mag-mediate ni Sue para lang magkaunawaang muli ang dating magkaibigan?
Sam napag-iiwanan nina Echo, Yen at Yam
Unfair namang sabihin na napag-iiwanan si Sam Milby ng mga co-stars niya sa Halik na sina Jericho Rosales, Yen Santos, at Yam Concepcion. Sobrang galit lang marahil ng mga manonood ng serye kay Ace na character ni Sam kung kaya hindi nila napansin na effective rin siya sa role niya. Gusto lang talaga ng manonood ang kaawa-awang character ni Echo at mortal na magkalabang roles ng dalawang babae na ang Halik na marahil ang pinakamagandang assignment na tinanggap nila, kahit binibigyan sila ng magandang laban ni Amy Austria.
Maynila may first time kay Ken
Si Ken Chan ang isa sa dalawang Kapuso actor na napili para gumanap sa isang three-part series ng Maynila na nagsimula na kahapon tungkol sa dalawang magkapatid na sinubok ng panahon ang katatagan. First time ng Maynila na hino-host ni Cong. Lito Atienza na gumawa ng isang episode na may tatlong bahagi bilang selebrasyon ng 20th anniversary ng show. Maraming fans ng My Special Tatay ang mas hahangaan pa ang bida dito na si Ken dahil sa kanyang versatility sa pag-portray niya ng isa na namang kakaibang role.
Diego kailangan ng privacy
Pilit itinatanggi ang diumano’y tangkang pagpapakamatay ni Diego Loyzaga. Pilit itinatago at ayaw ipagmakaingay na imposible sa estado ni Diego bilang artista. Sikat siya at may sinusubaybayang programa sa kasalukuyan, ang Los Bastardos. Ipagpasalamat na lamang ng mga supporter niya na nakaligtas siya, totoo man o hindi ang balita. Isang malaking problema ito na nangangailangan ng atensyon ng mga magulang niya at mga nagmamahal sa kanya. At makakabuting bigyan sila ng privacy para makatagpo sila ng isang tamang solusyon para hindi na maulit ang ginawa niya.
- Latest