LizQuen movie
CEBU, Philippines — `Nakigtagbo na kahagapon sila si Enrique Gil ug Liza Soberano sa grupo nila ni direk Dan Villegas ug Antonet Jadaone. Ang mga nahisgutan maoy mugama sa umaabot nga pelikula sa Lizquen.
Gisalida sa Vietnam
Gisalida na kagahapon sa tibuok Vietnam ang pelikula sa KathNiel nga “The Hows of Us”. Kahinumduman nga ang maong pelikula ang giisip na karon nga highest-grossing Filipino film of all time human kini nihipos og kapin sa P800 million sa box-office worldwide.
2.7 million views
Ang teleserye nga “Halik” mao na ang labing gitan-aw nga salida sa viewers sa I Want TV” human kini nitala og 2.7 million views niining bag-o lang. Nabantayan nga nisaka og maayo ang views sa maong serye human nasakpan ang pagpangabit ni Jade sa mismo niyang bana nga si Lino. Ang ‘Halik” gibituonan nila ni Yam Concepcion, Sam Milby, Yen Santos ug Jericho Rosales.
“Underrated Singer”
Gihulagway sa mga kritiko si Marlo Mortel nga “underrated singer” gumikan kay wala matud pa mahatagi og break bisan og maayo kini mukanta ug nindot gyud og tingog. Daghan ang nahugyaw human makakita sa performance ni Marlo sa iyang kaugalingong concert sa Music Museum niadtong Biyernes sa gabii.
Mulugwa sa Ellen
Gipahibawo ni Marcelito Pomoy nga mahinayon na gyud ang pagsalida iyang paglugwa sa Ellen de Generes show didto sa Amerika. Matud pa niya nga mahitabo na gyud kini sa October 29, 3p.m., California Time. Gidapit niya ang tanan sa pagtan-aw niini.
- Latest