Banat ni Angelica

CEBU, Philippines — Nagpost og hugot lines sa twitter ang Kapamilya actress nga si Angelica Panganiban atol sa gipahigayon niyang question-and-answer (Q and A) activity kauban iyang followers sa Twitter niadtong Biyernes. “Yes!!! kapag sinagasaan ka ba, o tinulak sa building, hindi ka magagalit? may right ka magalit sa taong binigay mo ang lahat “ paghot pa sa 31 anyos nga aktres.

Suportado ang bana

Todo suporta ang Kapuso star Heart Evangelista ngadto sa bana niining si Chiz Escudero kinsa nag-file sa iyang certificate of candidacy (COC) sa pagka-gobernador didto sa iyang yutang natawhan sa Sorsogon niadtong Biyernes. “Always here to support you,”caption pa ni Heart sa gi-upload nga hulagway niini.

Andam na

Gipaambit sa Pambansang Bae Alden Richards nga andam na siya nga mag- settle down hilabi na gayud kun maablihan na nila ang ilang negosyo nga kan-anan sunod tuig.  “Parang masasabi ko naman po, parang puwede na po. Lalo na po kapag nagtuloy po na magbukas ang business namin next year, secured na secured na po talaga,” sigon pa sa aktor.

Nipasaka na

Hingpit nang nipasaka og kaso ang Queen of All Media Kris Aquino og qualified theft complaint o pagpangawat ngadto sa mga kanhi business partners niini. Ni-file siya sa maong reklamo didto sa pito ka Prosecutor’s Office nga gilangkuban sa  Quezon City, San Juan, Mandaluyong, Pasig, Makati, Taguig, ug Manila. Malaumon si Kris nga maangkon niya ang hustisya sa maong kaso.

Confirmed!

Kumpirmado na gyud nga molugwa si Regine Velasquez sa upcoming variety show sa  ABS-CBN didto sa Australia, ang ASAP live in Sydney sa umaabot nga October 20. Mas nilanog ang tsismis nga nibalhin na gyud sa Kapamilya network si Regine human sa pipila ka tuig nga nahimong loyal sa GMA-7. Hangtod karon, tak-om pa si Regine sa maong espekulasyon.

Mitubag sa fans

Gitubag ni Miss Universe 2015 Pia Wurtzbach ang usa ka netizen kinsa adunay bati nga gi-comment sa iyang gisul-ob atol sa ABS-CBN Ball. “Relax guys! Ang dami dami namin sa room. It takes a village to do my glam and I also need their help to take these all off. Haha!” sigon pa ni Pia.

Gikulbaan si Dimples

Miangkon ang aktres nga si Dimples Romana nga gibati siya’g tumang kakulba apan nagpanikad gihapon sa bag-o niyang role sa afternoon series nga  ‘Kadenang Ginto. Giasoy sab niini nga wala gyud siya nagduha-duha og dawat sa papel nga Daniela Mondragon-Bartolome, kinsa kontrabida sa maong serye.Ulahing  proyekto ni Dimples mao ang Bagani.

Mga 90’s

Nag-post og 90’s throwback photo si Anne Curtis kauban ang iyang T.G.I.S. co- stars nga silang  Chibo Del Rosario, actress Chantal Umali, actor Polo Ravales, ug kanhi uyab nga silang Dingdong Dantes ug Antoinette Taus.

Nasuya sa proyekto

Miangkon ang Kapamilya hunk actor Gerald Anderson nga gibati siya og kasuya ngadto sa bag-ong pelikula sa iyang girlfriend nga si Bea Alonzo ug Aga Muhlach nga giulohang First Love. “Nakaka-excite, ang ganda trailer pa lang. Sabi ko nga sa kanya naiingit ako sa kanya, kasi nga nakasama niya si Aga Muhlach e pangarap ko din yun,” sigon pa ni Gerald.

Gikulbaan ni Maricel

Gikulbaan matod pa ang award-winning actress nga si Angel Locsin sa labing unang eksena nila ni Diamond Star Maricel Soriano para sa teleseryeng The General’s Daughter sa ABS-CBN. Mao kini ang labing una nilang panag-uban sa usa ka proyekto ug nakita niya nga professional kaayo makatrabaho si Maricel. “Sobrang kabado ako kasi si Ms. Maricel ala-siyete ang call time, alas-kuwatro, nangagatok na siya sa mga kuwarto. Ganoon siya ka professional,” sigon pa sa aktres.

Andam na

Giasoy ni Binibining Pilipinas International Ahtisa Manalo nga andam na iyang kaugalingon sa upcoming 2018 Miss International Pageant didto sa Tokyo Dome, Japan karong Nobiyembre 9. Apan miangkon siya nga gibati gyud siya og kahadlok apan maningkamot siya nga malangkat pagbalik sa Pilipinas ang korona.”Konting nerbyos but I’m more excited, because I know that I prepared a lot of things here and when I’m there na, I just relax,”asoy pa niini.