Excited na!
CEBU, Philippines — Nagpanikad na si Enchong Dee sa labing una niyang international TV show nga Extreme Ends. Makauban ni Enchong sa maong show ang Kapamilya star nga si Ria Atayde. Ipasalida ang Extreme Ends karong October 17, alas 9:30 sa gabii sa KIX Channel sa Cablelink Channel 31 ug sa nagkalain-laing cable channels.
Gipakpakan
Napuno sa pagdayeg ang Kapamilya star Maymay Entrata atol sa nahitabong Mega Fashion Week niadtong Biyernes. Nahugyaw ang publiko sa iyang kaanyag adtong gabhiuna, diin nilutaw gyud ang katahom ug dalaygon nga figure. Nirampa uban kaniya ang iyang onscreen partner nga si Edward Barbers. Gawas sa MayWard, nilugwa sab adtong gabhiuna silang Nadine Lustre, Laureen Reid ug uban pang celebrities.
Mao diay
Gipaambit sa komedyanteng si Michael V nganong wala na siya nakita karon sa noontime show nga Eat Bulaga. "Napakaliit na oras na lang ang mailalaan ko for them, nakakahiya namang magtrabaho nang ganun," niya pa kinsa miklaro sab nga magpabilin siyang loyal sa Kapuso network.
Bag-ong uyab
Gipaila-ila ni Miss Universe 1993 Dayanara Torres ang iyang bag-ong uyab pinaagi sa Instagram. Nag-post og hulagway si Dayanara kauban ang iyang bag-ong uyab nga film producer sa Marvel films nga si Louis D’Esposito. Nag-post og sweet message ang beauty queen ngadto ni Louis atol sa #NationalBoyfriendDay niadtong October 3. Nagbuwag ang nahisgutan ug kanhi bana niining si Marc Anthony niadtong 2004.
Tambag ni Bela
Hangtod karon wala matod pa gihapon makatuo si Bela Padilla nga natuman na gyud iyang pangandoy nga mahimong scriptwriter sa usa ka pelikula. Busa mihatag siya og tips ngadto sa mga aspiring writers. "What do you want to see on screen? What do you want to watch? Para you won’t get bored in the middle part.’ I get my inspiration from people. I like talking to a lot of people," sigon pa niini.
Nagsugod na!
Niarangkada na ang shooting sa reunion movie nilang Sharon Cuneta ug Richard Gomez nga giulohang "Three Words To Forever" ubos sa direksyon ni Cathy Garcia-Molina. Dugay na nga gihuwat sa ilang mga solid fans ang panag-uban nila og balik sa usa ka pelikula. Makauban nila sa maong pelikula si Kathryn Bernardo.
Kumportable sa ‘street style’
Gipaambit sa Kapamilya star Nadine Lustre nganong mas gipili niya ‘street style’ atol sa ABS-CBN Ball 2018 niaging semana. “When you say street fashion, it’s something that a lot of people can relate to. It is sporty but at the same time medyo polished siya ng konti. Street kasi it's very comfy, it’s very now,” pasabot pa niya.
Nag-sorry sa netizen
Nangayo og pasaylo si Alex Gonzaga ngadto sa usa ka netizen human nalain matod pa sa iyang annoying and insensitive' jokes sa iyang mga videos. “To some people who find my humor annoying and insensitive, sorry. How I wish you may never see or click any of my videos again,” she said in a now-deleted tweet. I'm sorry. I’ll be better next time,” sigon pa niini.
- Latest
