#Makeupandmore
CEBU, Philippines – Nagsugod isip beauty queen nga nahimong beauty queen maker ug karon padayung nanikaysikay isip usa sa mga inilang makeup artists sa Sugbo sulod na sa 20 ka tuig.
Mao kini ang nahimong dagan sa mabulukong kinabuhi ni Keith Vincent Bacayo.
Nagsugod ang iyang hilig sa pag makeup sukad niadtong magsalmotan siya og mga beauty pageant.
Sanglit gusto man gyud siya nga siya ra sab ang mupaanyag sa iyang dagway, nakat-on ug nahanas siya sa pagpangarte hangtud nga na apply na kini niya sa laing tawo.
Inspirasyon niya niining tanan mao ang suporta sa iyang pamilya lakip na sa iyang anak nga lalaki.
Dako sab ang iyang pag- idolo sa nabantog nga make-up artist sa Sugbo nga si Roy Tizon diin matud pa, dinhi siya nakakutlo og mga pagtulun-an sa industriya nga iyang gisudlan.
Ug tuod man, sa paglungtad niya niining passion nga iyang gipili, left and right na sab nga mga pasidungog ang iyang nadawat.
“I won in Ricky Reyes’ Hair and Make-up Trends Competition in 2003, Bridal Make-up Champion and the Over-all Champion in all categories. In 2004, I became also the champion of Commercial Make-up category,” saysay pa niya.
Sa kadaghang dagkong personalidad nga iyang nahimong kliyente, si Senador Migs Zubiri ug ang kapikas niini maoy usa sa dili niya malimtan nga kliyente tungod sa mga pagkamaayong tawo nila.
Gusto ni Keith nga mahinumduman siya sa tanan isip makeup artist nga professional sa tanang anggulo.
Pagkakaron, laing gikabusy-han sab ni Keith mao ang pagdesinyo og mga costumes ug gowns.
Ubay-ubay na sab nga mga kasinatian ang nagpalambo kaniya isip make-up artist.
Gani adunay higayun kaniadtu nga matud pa gikasuk-an siya sa iyang kliyente tungod kay na-late siya.
Ang maong kasinatian maoy nagsilbing inspirasyon arun di na niya usbon pa ang maong hitabo ug kanunay na nga on-time sa iyang mga make-up appointment.
Kasamtangang left and right ang bookings niya sa weddings ug beauty pageants nga nanginahanglan sa iyang artistic touch.
Sangko sa langit ang iyang pagpasalamat sa talento nga gihatag kaniya sanglit ang pag make-up man maoy iyang main source of living.
“I enjoy and love making people look beautiful. They are like a barbie doll to me. In everything I do, I do it with a heart & passion. My heartfelt and sincerest thanks to all the people who believe in me and in my talent. I thank you all for the trust,” suma pa niya.
Name:
KEITH VINCENT P. BACAYO
Address:
31-A S.B. Cabahug St. Tribunal Centro, Mandaue City
Birthdate:
Sept. 27, 1979
Facebook Account: Keith Bacayo
Email Add: [email protected]
- Latest