JUSTICE RUN 2018
Managan ta! But before that, kinahanglan na gyud ko mubalik og jog aron dili ko hangakon. Nagdako lang gyud ni akong hunahuna uy nga mubalik ko’g jog in the morning—gidali pa nako’g balik akong running shoes sa balay. Palpak man. Usa na ka bulan, wa gyud ko ka morning jog bisa’g kausa. Pwes, balikon na lang sab nako’g dala sa office akong running shoes kay sa Plaza Independencia kay ibalik na lang sab nako akong nightly jog. Pakkk!
Ganahan na gyud ko mubalik og jog aron dili makawang akong three-day water fasting. Dili enough ang intermittent fasting daily uy, mas hugyaw gyud kun apilan og dagan. Yeah, nakasuway man ko months ago nga nag-intermittent fasting ko at the same time mag-nightly jog og3-5K. Hugyaw sab gyud to. The problem lang kay kadlawon nako dukaon. Ma alive man ko after my jog. Mao tong mubalhin gyud unta ko’g buntag.
But now, dili na gyud ni mahimong unya-unyaon kay usa ka semana na lang ang nahibilin sa dili pa ang Dagan Para Sa Hustisya-Fun Run (JUSTICE RUN 2018) nga pasiugdahan sa University of the Visayas-Gullas School of Law Bar Operations Team. Ganahan ko mu-join ana kay ganahan ko makauyab og abogado. Pakkk!
Bitaw, mu-support ko ani kay naa koy friends nga nag-law diha sa maong unibersidad and isip pagsuporta na lang sab ni sa tanang law students sa probinsya. That is because, tumong niining Justice Run 2018 mao nga mas mapalanog pa ang panawagan nga i-regionalize na ang Bar Examinations o nga dili kay adto ra gyud kini ipahigayon sa Manila.
Busa kitang mga promdi, labi na mga Sugbuanon, muapil ta niining Justice Run kay kun ma-regionalize gyud ang Bar Exams, atong mga kadugo ug higala ra man sab ang mabulahan ani kay dili na kaayo sila madak-an sa gasto, dili sab sila ma-homesick nga usa sa makaapekto sa ilang pag-take sa exam. Yes uy, kay kon emo ka, broken-hearted ka kay you are far far away from your loved ones, dili baya ka ka-concentrate ana sa imong pagtuon ug sa pag-take mismo sa exams. Pwes, managan na ta! Parehistro na!
Have a blessed Sunday, dear okRYANians!
- Latest
